ഖത്തറിലെ ഹോസ്പിറ്റാലിറ്റി വ്യവസായം മികച്ച പ്രകടനം നടത്തുന്നു. ഹോട്ടൽ താമസനിരക്കിൽ 29 ശതമാനം വർദ്ധനവ്

സന്ദർശകരുടെ എണ്ണം വർധിക്കുകയും പുതിയ ഹോട്ടലുകൾ തുറക്കുകയും ചെയ്തതിനാൽ ഈ വർഷത്തിൻ്റെ രണ്ടാം പാദത്തിൽ ഖത്തറിലെ ഹോസ്പിറ്റാലിറ്റി വ്യവസായം മികച്ച പ്രകടനമാണ് കാഴ്ച വെച്ചത്. വാലുസ്ട്രാറ്റിൻ്റെ ഒരു പഠനം കാണിക്കുന്നത് ഹോട്ടൽ താമസ നിരക്ക് കഴിഞ്ഞ വർഷം ഇതേ സമയത്തെ അപേക്ഷിച്ച് 29 ശതമാനം ഉയർന്ന് 69 ശതമാനത്തിൽ സ്ഥിരതയോടെ നിൽക്കുന്നുണ്ടെന്നാണ്.
ഏപ്രിൽ മുതൽ ജൂൺ വരെ, ഹോട്ടലുകളുടെ ആവറേജ് ഡെയ്ലി റേറ്റ് (ADR) QR454 ആയിരുന്നു, മുൻ വർഷത്തേക്കാൾ 7% വർധന. റെവന്യൂ പെർ അവൈലബിൾ റൂമും (RevPAR) ഗണ്യമായ വർദ്ധനവ് രേഖപ്പെടുത്തി, QR312 ൽ എത്തുകയും കഴിഞ്ഞ വർഷത്തെ അപേക്ഷിച്ച് 38% വർധിക്കുകയും ചെയ്തു. 5 സ്റ്റാർ ഹോട്ടലുകൾക്ക്, ADR QR630 ആയിരുന്നു, 3 സ്റ്റാർ, 4 സ്റ്റാർ ഹോട്ടലുകൾക്ക് അത് യഥാക്രമം QR215 ഉം QR263 ഉം ആയിരുന്നു.
കഴിഞ്ഞ വർഷത്തെ അപേക്ഷിച്ച് വിനോദസഞ്ചാരികളുടെ വരവ് 26% വർധിച്ചതാണ് RevPARൽ 38% ഉയർച്ചയ്ക്ക് കാരണമായതെന്ന് വാലുസ്ട്രാറ്റിലെ ഗവേഷണ വിഭാഗം മേധാവി അനും ഹസ്സൻ വിശദീകരിച്ചു. പ്രധാന സാംസ്കാരിക വിനോദ വികസന പദ്ധതിയായ സിമൈസ്മ പദ്ധതിയും സർക്കാർ ആരംഭിച്ചു.
മുനിസിപ്പാലിറ്റി & പരിസ്ഥിതി മന്ത്രാലയം ആരംഭിച്ച, ഖത്തർ ഡയറിൻ്റെ നേതൃത്വത്തിലുള്ള സിമൈസ്മ പദ്ധതി 8 ദശലക്ഷം ചതുരശ്ര മീറ്റർ പ്രദേശം ഉൾപ്പെടുന്നതാണ്. ലക്ഷ്വറി റിസോർട്ടുകൾ, അമ്യൂസ്മെൻ്റ് പാർക്ക്, റെസിഡൻഷ്യൽ വില്ലകൾ, യാച്ച് ക്ലബ്, മറീന, ഗോൾഫ് കോഴ്സ്, റെസ്റ്റോറൻ്റുകൾ, ഷോപ്പുകൾ എന്നിവ ഇതിൽ ഉൾപ്പെടുന്നു. 20 ബില്യൺ ഖത്തർ റിയാലാണ് പദ്ധതിക്ക് ചെലവ് വരുന്നത്.
ഖത്തർ ടൂറിസത്തിൻ്റെ കണക്കനുസരിച്ച് രാജ്യത്ത് നിലവിൽ 39,915 ഹോട്ടൽ മുറികളും സർവീസ്ഡ് അപ്പാർട്ടുമെൻ്റുകളുമുണ്ട്. ഇതിൽ 74% ഹോട്ടൽ മുറികളും 26% സർവീസ്ഡ് അപ്പാർട്ടുമെൻ്റുകളുമാണ്. ആകെയുള്ളതിൽ 66% 4 സ്റ്റാർ മുതൽ 5 സ്റ്റാർ ഹോട്ടലുകളും 8% 3 സ്റ്റാർ മുതൽ 4 സ്റ്റാർ ഹോട്ടലുകളുമാണ്.
അന്താരാഷ്ട്ര സന്ദർശകരുടെ വരവ് കഴിഞ്ഞ വർഷത്തെ അപേക്ഷിച്ച് 26% വർധിച്ച് 2.9 ദശലക്ഷം കവിഞ്ഞതായി ഏറ്റവും പുതിയ ഡാറ്റ കാണിക്കുന്നു. ഈ സന്ദർശകരിൽ 43% GCC രാജ്യങ്ങളിൽ നിന്നും 19% മറ്റ് ഏഷ്യൻ രാജ്യങ്ങളിൽ നിന്നും 23% യൂറോപ്യൻ രാജ്യങ്ങളിൽ നിന്നും വന്നവരാണ്.