ഇന്റർസ്റ്റെല്ലാർ സംഗീത സംവിധായകൻ ഖത്തറിൽ; ‘ദി നെക്സ്റ്റ് ലെവൽ’ ദോഹ കൺസേർട്ട്; ടിക്കറ്റ് വിതരണം ആരംഭിച്ചു

ദോഹ: പ്രശസ്ത ഓസ്കാർ, ഗ്രാമി അവാർഡ് ജേതാവായ മ്യൂസിക് കമ്പോസർ ഹാൻസ് സിമ്മറുടെ ‘ദി നെക്സ്റ്റ് ലെവൽ’ ദോഹ കൺസേർട്ടിന്റെ ടിക്കറ്റുകൾ ലഭ്യമായി തുടങ്ങി. സിനിമകളിലെ ശ്രദ്ധേയമായ സംഗീതത്തിലൂടെ ആഗോളതലത്തിൽ പ്രശസ്തനായ വ്യക്തിയാണ് ഹാൻസ് സിമ്മർ.

പരിപാടിയുടെ വിവരങ്ങൾ

നവംബർ 6-ന് രാത്രി 8 മണിക്ക് സ്റ്റേഡിയം 974 പരിസരത്താണ് (974 Stadium Precinct) തത്സമയ സംഗീത പരിപാടി നടക്കുന്നത്. അദ്ദേഹത്തിന്റെ 19 അംഗ ബാൻഡും പരിപാടിയിൽ അണിനിരക്കും. വൈകുന്നേരം 6 മണിക്ക് കൺസേർട്ട് ഹാളിന്റെ വാതിലുകൾ തുറക്കും. പരിപാടിക്കിടയിൽ 30 മിനിറ്റ് ഇടവേള ഉണ്ടായിരിക്കുന്നതാണ്. ഏഴ് വയസ്സും അതിനുമുകളിലും പ്രായമുള്ളവർക്കാണ് പ്രവേശനം. അതിനു താഴെയുള്ളവർക്ക് പ്രവേശന നിയന്ത്രണമുണ്ട്.

ടിക്കറ്റ് നിരക്കുകൾ

പ്ലാറ്റിനംലിസ്റ്റ് (Platinumlist) വഴി ടിക്കറ്റുകൾ ബുക്ക് ചെയ്യാവുന്നതാണ്. വിവിധ കാറ്റഗറികളിലായി QR95, QR130, QR250, QR350, QR950, QR1,250, QR2,800 നിരക്കുകളിലാണ് ടിക്കറ്റുകൾ ലഭ്യമാകുക.

പ്രധാന കൃതികൾ

ദി ലയൺ കിംഗ്, ഗ്ലാഡിയേറ്റർ, ദി ഡാർക്ക് നൈറ്റ് ട്രൈലോഗി, ദി ലാസ്റ്റ് സാമുറായ്, ഇന്റർസ്റ്റെല്ലാർ, ഇൻസെപ്ഷൻ, ഡ്യൂൺ: പാർട്ട് വൺ തുടങ്ങിയ പ്രശസ്തമായ ചിത്രങ്ങളുടെ പ്രധാന കമ്പോസറായി അദ്ദേഹം പ്രവർത്തിച്ചിട്ടുണ്ട്.