വിപണിയിലെ പ്രൊമോഷനുകളിലും പ്രത്യേക ഓഫറുകളിലും സുതാര്യത ഉറപ്പാക്കാനും ഉപഭോക്താക്കളെ സംരക്ഷിക്കാനും ലക്ഷ്യമിട്ടാണ് മന്ത്രാലയം നിർദ്ദേശങ്ങൾ പുറപ്പെടുവിച്ചത്.
ഉപഭോക്താക്കൾ ശ്രദ്ധിക്കേണ്ട പ്രധാന അവകാശങ്ങൾ:
- ഉൽപ്പന്നങ്ങൾ വാങ്ങുന്നതിന് മുൻപ് അതിന്റെ യഥാർത്ഥ വിലയും ഡിസ്കൗണ്ടിന് ശേഷമുള്ള വിലയും കൃത്യമായി അറിഞ്ഞിരിക്കാൻ ഉപഭോക്താക്കൾക്ക് അവകാശമുണ്ട്.
- സാധനങ്ങൾ വാങ്ങുന്നതിന് മുൻപായി കടകളുടെ എക്സ്ചേഞ്ച്, റിട്ടേൺ പോളിസികൾ (സാധനങ്ങൾ മാറ്റിയെടുക്കൽ/തിരികെ നൽകൽ വ്യവസ്ഥകൾ) പരിശോധിക്കുക.
- ഓരോ പർച്ചേസിനും വിശദമായ ഇൻവോയ്സ് (ബിൽ) കൈപ്പറ്റുകയും അവ സൂക്ഷിച്ചുവെക്കുകയും ചെയ്യുക; സാധനങ്ങൾ മാറുന്നതിനും പരാതികൾ നൽകുന്നതിനും ഇത് അനിവാര്യമാണ്.
- നൽകിയിരിക്കുന്ന ഓഫറുകൾ വ്യാജമല്ലെന്നും കൃത്യമായി പരസ്യം ചെയ്തവ തന്നെയെന്നും ഉറപ്പുവരുത്തുക.
2026 ഒന്നാം പാദത്തിലെ (Q1) വിപണി കണക്കുകൾ: - ഈ കാലയളവിൽ കൺസ്യൂമർ അഫയേഴ്സ് സെക്ടർ വഴി 1,897 ലൈസൻസുകൾ അനുവദിച്ചു.
- മുൻവർഷത്തെ അപേക്ഷിച്ച് 323 ശതമാനം വർദ്ധനവോടെ 6,895 ഉപഭോക്തൃ പരാതികൾ ലഭിച്ചു.
- വിപണി നിയന്ത്രണം ശക്തമാക്കുന്നതിന്റെ ഭാഗമായി 74,766 പരിശോധനകൾ നടത്തി (89% വർദ്ധനവ്). പരിശോധനകളിൽ കണ്ടെത്തിയ നിയമലംഘനങ്ങൾ 9 ശതമാനമാണ്.
