മൊവാസലാത്ത് (കർവ) ലുസൈൽ നഗരത്തിനുള്ളിലെ യാത്ര എളുപ്പമാക്കുന്നതിന് മെട്രോ എക്സ്പ്രസ് സേവനം വിപുലീകരിക്കുന്നു. ഇന്ന്, 2024 ഓഗസ്റ്റ് 28 മുതൽ, അൽ മഹാ ദ്വീപ് ഉൾപ്പെടെ ലുസൈലിനുള്ളിലെ കൂടുതൽ പ്രദേശങ്ങളിലേക്ക് മെട്രോ എക്സ്പ്രസ് സേവനം നീട്ടും.
ഈ സേവനം ലഭിക്കുന്നതിനായി, നിങ്ങൾ കർവ ടാക്‌സി ആപ്പ് ഉപയോഗിക്കേണ്ടതുണ്ട്. മറീന നോർത്ത്, ടാർഫറ്റ് സൗത്ത്, ടാർഫറ്റ് നോർത്ത്, വാഡി എന്നീ സ്റ്റേഷനുകളിൽ നിന്ന് നിങ്ങൾക്ക് സവാരിക്കായി അഭ്യർത്ഥന നൽകാം.
മെട്രോഎക്‌സ്പ്രസ് സേവനം ഉപയോഗിക്കുന്നതിനുള്ള നിർദ്ദേശങ്ങൾ:
– കർവ ടാക്‌സി ആപ്പ് ഡൗൺലോഡ് ചെയ്യുക.
– ‘മെട്രോ എക്സ്പ്രസ്’ ടാബിൽ ടാപ്പ് ചെയ്യുക.
– യാത്രക്കാരുടെ എണ്ണം തിരഞ്ഞെടുക്കുക.
– സവാരിക്കായി അഭ്യർത്ഥന നൽകി അവർ നിങ്ങളുടെ പിക്ക്-അപ്പ് പോയിൻ്റിൽ എത്തുന്നതുവരെ കാത്തിരിക്കുക.
മെട്രോ എക്സ്പ്രസ് ഒരു സൗജന്യ സേവനമാണ്, എന്നാൽ ദോഹ മെട്രോ, ലുസൈൽ ട്രാം റൈഡ് എന്നിവ ഉപയോഗിക്കുന്നവർക്ക് മാത്രമേ ഈ സേവനം ലഭ്യമാകുകയുള്ളൂ .
