2-ാമത് കത്താറ ഇന്റർനാഷണൽ അറേബ്യൻ ഹോഴ്സ് ഫെസ്റ്റിവൽ (KIAHF) കൾച്ചറൽ വില്ലേജ് ആയ കത്താറയിൽ ഫെബ്രുവരി 2 മുതൽ 12 വരെ നടക്കും. 11 രാജ്യങ്ങളിൽ നിന്നുള്ള 239 കുതിരകൾ ആദ്യ അറേബ്യൻ പെനിൻസുല കുതിര പ്രദർശനത്തിനായി മത്സരിക്കും. അഞ്ച് ദിവസം നീണ്ടുനിന്ന ആദ്യ പതിപ്പിൽ നിന്ന് വ്യത്യസ്തമായി, 2-ാമത് കുതിരമേള 11 ദിവസമാണ്.
11 ദിവസത്തെ ഉത്സവം കുതിരപ്രേമികളുടെ ശ്രദ്ധാകേന്ദ്രമായി മാറിയെന്നും രണ്ടാം പതിപ്പ് വിപുലമായ പരിപാടികൾ കൊണ്ടുവരുമെന്നും ഇന്നലെ നടത്തിയ വാർത്താസമ്മേളനത്തിൽ, കൾച്ചറൽ വില്ലേജ് ഫൗണ്ടേഷൻ (കത്തറ) ജനറൽ മാനേജർ പ്രൊഫ. ഡോ. ഖാലിദ് ബിൻ ഇബ്രാഹിം അൽ സുലൈത്തി പറഞ്ഞു.
ശുദ്ധമായ അറേബ്യൻ കുതിരകൾക്കായുള്ള കത്താറ ഇന്റർനാഷണൽ ഫെസ്റ്റിവലിന്റെ ആദ്യ പതിപ്പിന്റെ വിജയമാണ് രണ്ടാമത്തെ പതിപ്പിൽ അറേബ്യൻ മുനമ്പിലെ കുതിരകൾക്കായി പ്രദർശന മത്സരം ഉൾപ്പെടുത്താൻ പ്രേരണയായത്.
അതേസമയം, ഈ വർഷം രാജ്യം ആതിഥേയത്വം വഹിക്കുന്ന ഏറ്റവും പ്രധാനപ്പെട്ട ഉത്സവങ്ങളിലൊന്നാണ് ഫെസ്റ്റിവലെന്ന് ടൈറ്റിൽ ഷോ മാനേജർ ബാദർ മുഹമ്മദ് അൽ ദർവിഷ് പറഞ്ഞു.
അറേബ്യൻ പെനിൻസുല കുതിര പ്രദർശനത്തിൽ 239 കുതിരകളും അറേബ്യൻ കുതിര ലേലത്തിൽ 32 കുതിരകളും പങ്കെടുക്കും. ടൈറ്റിൽ ഷോ മത്സരത്തിൽ 309 കുതിരകൾ രജിസ്റ്റർ ചെയ്തിട്ടുണ്ട്.
ഫെസ്റ്റിവലിന്റെ ആകെ സമ്മാനത്തുക 17,083,500 റിയാലാണെന്ന് അൽ ദാവിഷ് പറഞ്ഞു. ടൈറ്റിൽ ഷോയ്‌ക്ക് മാത്രമായി QR13,900,000 സമ്മാനത്തുക നൽകും. QR3,900,000 ഓളം വില വരുന്ന കാറുകളും വാച്ചുകളും പോലുള്ള സമ്മാനങ്ങളുമായി സ്‌പോൺസർമാരായ നാസർ ബിൻ ഖാലിദും അലി ബിൻ അലി ഗ്രൂപ്പുകളും രംഗത്തുണ്ട്.
കൂടാതെ, ദി ലെജൻഡ് (സീനിയർ വിഭാഗം) ആയി തിരഞ്ഞെടുക്കപ്പെടുന്ന കുതിരക്ക് QR3m സമ്മാനത്തുക ലഭിക്കും; ഒരു വർഷം മുതൽ എല്ലാ വിഭാഗങ്ങളും വിജയിച്ച കുതിരയ്ക്കുള്ള പ്രത്യേക അവാർഡ് QR2m ആണ്.
കൂടുതൽ ആളുകൾ താൽപ്പര്യം പ്രകടിപ്പിച്ച ആദ്യ പതിപ്പിന്റെ തെളിവാണ് ഈ വർഷത്തെ പരിപാടിയെന്ന് അൽ ദാർവിഷ് പറഞ്ഞു. പാൻഡെമിക് കാരണം, നിരവധി പങ്കാളികൾ ആദ്യ പതിപ്പിൽ പങ്കെടുത്തില്ല. ഈ വർഷം അത് മാറും, ”അദ്ദേഹം പറഞ്ഞു. അറേബ്യൻ പെനിൻസുല ഹോഴ്സ് ഷോയുടെയും ടൈറ്റിൽ ഷോയുടെയും 4 ദിവസത്തെ പാക്കേജിന്റെ ടിക്കറ്റുകൾ ഏറെക്കുറെ വിറ്റുതീർന്നു എന്നതും ശ്രദ്ധേയമാണ്.
ഏഴ് പേർക്കുള്ള അറേബ്യൻ പെനിൻസുല ഹോഴ്സ് ഷോ VIP ടേബിൾ (എല്ലാ ദിവസവും, 5-ാം വരി) മാത്രമാണ് ശേഷിക്കുന്ന പാക്കേജ്, ടൈറ്റിൽ ഷോയ്‌ക്ക്, VIP, VVIP ടേബിൾ എട്ട് ചോയ്‌സുകളുടെ പാക്കേജ് ഇപ്പോഴും ലഭ്യമാണ്.
അറേബ്യൻ പെനിൻസുല കുതിര പ്രദർശനം ഫെബ്രുവരി 2 മുതൽ 3 വരെ നടക്കും; അറേബ്യൻ കുതിരലേലം ഫെബ്രുവരി ഏഴിന്; കൂടാതെ ഫെബ്രുവരി 9 മുതൽ 12 വരെ കത്താറ എസ്പ്ലനേഡിൽ ടൈറ്റിൽ ഷോയും അരങ്ങേറും.
