ഖത്തർ ഉപപ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ് മുഹമ്മദ് ബിൻ അബ്ദുൾറഹ്മാൻ അൽതാനിയെ ഇന്ത്യൻ വിദേശകാര്യ മന്ത്രി ഡോ. സുബ്രഹ്മണ്യം ജയശങ്കർ ഫോണിൽ ബന്ധപ്പെട്ടു.
സംഭാഷണത്തിൽ, ഉഭയകക്ഷി സഹകരണം അവലോകനം ചെയ്യുകയും വിവിധ മേഖലകളിലെ കാഴ്ചപ്പാടുകൾ കൈമാറുകയും ചെയ്തു.
മുഖ്യമായും, അഫ്ഗാൻ ഫയലിലെ ഏറ്റവും പുതിയ സംഭവവികാസങ്ങളും പ്രാദേശിക പ്രശ്നങ്ങളും പരസ്പര ആശങ്കയുള്ള വിഷയങ്ങളും ഇരുപക്ഷവും ചർച്ച ചെയ്തു. മേഖലയിലെ ഹൂത്തി ആക്രമണവും സൗദി സഖ്യസേനയുടെ നേതൃത്വത്തിലുള്ള യമനിലെ പ്രത്യാക്രമണവും ഉൾപ്പെടെയുള്ള വിഷയങ്ങൾ ചർച്ചയായതാണ് കരുതപ്പെടുന്നത്.
