ഖത്തറിൽ വാരാന്ത്യത്തിൽ കടുത്ത ചൂട് തുടരും; താപനില 45 ഡിഗ്രി സെൽഷ്യസ് വരെ ഉയർന്നേക്കാമെന്ന് മുന്നറിയിപ്പ്

ഖത്തറിൽ വാരാന്ത്യത്തിൽ കടുത്ത ചൂടുള്ള കാലാവസ്ഥയായിരിക്കുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ഇതിനൊപ്പം ശക്തമായ കാറ്റിനും ഓഫ്‌ഷോർ മേഖലകളിൽ കടൽ പ്രക്ഷുബ്ധമാകാനും സാധ്യതയുണ്ടെന്ന് അധികൃതർ വ്യക്തമാക്കി.

വരും ദിവസങ്ങളിലെ താപനില

ഇന്ന് വ്യാഴാഴ്ച (മെയ് 28) പകൽ സമയത്ത് കടുത്ത ചൂട് അനുഭവപ്പെടുമെന്നും പരമാവധി താപനില 44°C വരെ ഉയർന്ന ശേഷം രാത്രിയിൽ 31°C ലേക്ക് താഴുമെന്നും കാലാവസ്ഥാ വകുപ്പ് അറിയിച്ചു. വെള്ളിയാഴ്ച (മെയ് 29) താപനില വീണ്ടും ഉയർന്ന് 45°C വരെ എത്തിയേക്കാം; രാത്രിയിലെ കുറഞ്ഞ താപനില 32°C ആയിരിക്കും. ശനിയാഴ്ച (മെയ് 30) ഉയർന്ന താപനില 44°C ലും കുറഞ്ഞ താപനില 30°C ലും തുടരുന്നതോടെ കടുത്ത ചൂട് നിലനിൽക്കും.

ശക്തമായ കാറ്റിനുള്ള സാധ്യത

വ്യാഴം, വെള്ളി ദിവസങ്ങളിൽ കാറ്റിന്റെ ദിശ തെക്കുപടിഞ്ഞാറൻ ദിശയിൽ നിന്ന് വടക്കുപടിഞ്ഞാറൻ ദിശയിലേക്ക് മാറാൻ സാധ്യതയുണ്ട്. കാറ്റിന്റെ വേഗത യഥാക്രമം 6-16 നോട്സ്, 5-15 നോട്സ് വീതമായിരിക്കുമെങ്കിലും പകൽ സമയങ്ങളിൽ ഇത് പരമാവധി 25 നോട്സ് വരെ വേഗത മാർജ്ജിച്ചേക്കാം. ശനിയാഴ്ചയും സമാനമായ കാറ്റ് തുടരുമെന്നും വടക്കുപടിഞ്ഞാറൻ ദിശയിൽ നിന്നുള്ള കാറ്റിന്റെ വേഗത 21 നോട്സ് വരെ ഉയർന്നേക്കാമെന്നും റിപ്പോർട്ടിൽ പറയുന്നു.

കടൽക്ഷോഭ മുന്നറിയിപ്പ്

അടുത്ത 3 ദിവസങ്ങളിൽ കടലിലെ തിരമാലകൾ 2 മുതൽ 4 അടി വരെ ഉയരത്തിൽ വീശാൻ സാധ്യതയുണ്ട്. ചില സമയങ്ങളിൽ ഇത് 8 അടി വരെ ഉയരത്തിൽ ശക്തമാകാൻ സാധ്യതയുള്ളതിനാൽ ഓഫ്‌ഷോർ മേഖലകളിൽ ജാഗ്രത പാലിക്കണമെന്ന് കാലാവസ്ഥാ വകുപ്പ് നിർദ്ദേശിച്ചു.