ഖത്തറിലെ ഇന്ത്യൻ പ്രവാസികൾക്ക് പുതുക്കിയ പാസ്പോർട്ട് ഫോട്ടോ മാർഗ്ഗനിർദ്ദേശങ്ങൾ സംബന്ധിച്ച് ദോഹയിലെ ഇന്ത്യൻ എംബസി അറിയിപ്പ് നൽകി.
അപ്ഡേറ്റ് ചെയ്ത ഗ്ലോബൽ പാസ്പോർട്ട് സേവാ ലോഞ്ചിന്റെ ഭാഗമായി, എല്ലാ അപേക്ഷകരും പാസ്പോർട്ട് പുതുക്കുമ്പോഴോ പുതിയ പാസ്പോർട്ടിന് അപേക്ഷിക്കുമ്പോഴോ ICAO-അനുയോജ്യമായ ഫോട്ടോ അപ്ലോഡ് ചെയ്യണമെന്ന് ഇന്ത്യൻ വിദേശകാര്യ മന്ത്രാലയം നിർബന്ധമാക്കിയിട്ടുണ്ടെന്ന് എംബസി അറിയിച്ചു.
പാസ്പോർട്ട് സേവനങ്ങൾക്ക് പാലിക്കേണ്ട ICAO മാനദണ്ഡങ്ങൾക്കനുസൃതമായി ഫോട്ടോ മാർഗ്ഗനിർദ്ദേശങ്ങൾ താഴെ പറയുന്നു:
– ഫോട്ടോയുടെ 80-85% മുഖം ഉൾക്കൊള്ളുന്ന തരത്തിൽ തലയുടെയും മുകൾ ഭാഗത്തിന്റെയും ക്ലോസ് അപ്പ്.
– ഫോട്ടോ നിറത്തിലും അളവുകളിലും 630*810 പിക്സലുകൾ ആയിരിക്കണം.
– ഫോട്ടോകൾ കമ്പ്യൂട്ടർ സോഫ്റ്റ്വെയർ ഉപയോഗിച്ച് മാറ്റം വരുത്തിയത് ആകരുത്.
– ഫോട്ടോയുടെ ബാക്ക്ഗ്രൗണ്ട് വെളുത്ത നിറമായിരിക്കണം.
ഫോട്ടോയ്ക്ക് ഉണ്ടായിരിക്കേണ്ട മറ്റു നിബന്ധനകൾ:
– അപേക്ഷകൻ നേരിട്ട് ക്യാമറയിലേക്ക് നോക്കുന്നതായി കാണിക്കണം.
– സ്കിൻ ടോൺ സ്വാഭാവികമായിരിക്കണം
– ഉചിതമായ തെളിച്ചവും കോൺട്രാസ്റ്റും ഉണ്ടായിരിക്കുക.
– അപേക്ഷകരുടെ കണ്ണുകൾ തുറന്നതും വ്യക്തമായി കാണാവുന്നതുമായിരിക്കണം.
– കണ്ണുകൾക്ക് കുറുകെ രോമം ഉണ്ടാകരുത്.
– ഏകീകൃത വെളിച്ചത്തിൽ എടുക്കണം, മുഖത്ത് ഷാഡോകളോ ഫ്ലാഷ് റിഫ്ലക്ഷനുകളോ കാണിക്കരുത്. കണ്ണ് ചുവപ്പായിരിക്കരുത്.
– വായ തുറന്നിരിക്കരുത്.
– ക്യാമറയിൽ നിന്ന് 1.5 മീറ്റർ അകലെ നിന്ന് എടുക്കണം (വളരെ അടുത്ത് പാടില്ല).
– ഫോട്ടോ മങ്ങിയത് (dim) ആകരുത്.
– പൂർണ്ണമായും മുഖം കാണണം, കണ്ണുകൾ തുറന്നിരിക്കണം.
– ഫോട്ടോയിൽ മുടിയുടെ മുകളിൽ നിന്ന് താടിയുടെ അടിഭാഗം വരെ തലഭാഗം പൂർണ്ണമായും ഉൾക്കൊള്ളണം.
– ഫ്രെയിമിന്റെ മധ്യഭാഗം (തല ചരിഞ്ഞിരിക്കരുത്) ആകണം ഫോട്ടോ.
– മുഖത്തോ പശ്ചാത്തലത്തിലോ ശ്രദ്ധ തിരിക്കുന്ന നിഴലുകൾ ഉണ്ടാകരുത് (കണ്ണടകളുടെ പ്രതിഫലനം ഉണ്ടാകരുത്; റിഫ്ലക്ഷൻ ഒഴിവാക്കാൻ ഗ്ലാസുകൾ നീക്കം ചെയ്യണം).
– വെളിച്ചം കണ്ണുകളിൽ ദൃശ്യമാകുന്ന റെഡ് ഐ ഇഫക്റ്റുകളോ കണ്ണുകളുടെ ദൃശ്യത കുറയ്ക്കുന്ന മറ്റ് ഇഫക്റ്റുകളോ ഉണ്ടാക്കരുത്.
– മതപരമായ കാരണങ്ങളല്ലാതെ ശിരോവസ്ത്രങ്ങൾ അനുവദനീയമല്ല. എന്നാൽ താടിയുടെ അടിഭാഗം മുതൽ നെറ്റിയുടെ മുകൾഭാഗം വരെയുള്ള മുഖ ഭാഗവും മുഖത്തിന്റെ രണ്ട് അരികുകളും വ്യക്തമായി കാണിക്കണം.
– മുഖത്തെ ഭാവം സ്വാഭാവികമായി കാണപ്പെടണം.
