ഒരു മാസം നീണ്ടുനിൽക്കുന്ന മരുഭൂമി ടൂറിസം അനുഭവമായ “സീലൈൻ സീസൺ” 2026 ജനുവരിയിൽ നടക്കുമെന്ന് വിസിറ്റ് ഖത്തർ അറിയിച്ചു. ഖത്തറിൽ നിന്നും വിശാലമായ ജിസിസിയിൽ നിന്നുമുള്ള സന്ദർശകർക്കായി ഖത്തറിന്റെ ശൈത്യകാല മരുഭൂമി അനുഭവഭേദ്യമാക്കുക എന്നതാണ് സീലൈൻ സീസൺ ലക്ഷ്യമിടുന്നത്. ഒപ്പം, സാംസ്കാരിക വിനോദ പരിപാടികൾ, പ്രാദേശിക ഭക്ഷണാനുഭവങ്ങൾ, കുടുംബ സൗഹൃദ വിനോദം തുടങ്ങിയവയും വാഗ്ദാനം ചെയ്യുന്നു.
സീലൈൻ സർക്യൂട്ട് സ്പോർട്സ് ക്ലബ്ബിൽ (മാവാതർ) നടക്കുന്ന വാരാന്ത്യ സംഗീത പരിപാടികളുടെ ഒരു പരമ്പരയായ “സീലൈൻ നൈറ്റ്സ്” ആയിരിക്കും പരിപാടിയുടെ ഒരു പ്രധാന ആകർഷണം.
പരിപാടികളിൽ ഇവ ഉൾപ്പെടുന്നു:
– ജനുവരി 16: മൗദി & സുൽത്താൻ ഖലീഫ
– ജനുവരി 23: പ്രശസ്ത സംഗീതജ്ഞൻ ഖാലിദ് അബ്ദുൾറഹ്മാന്റെ ലൈവ് ഷോ
– ജനുവരി 30: പരമ്പരാഗത സംഗീതം ആഘോഷിക്കുന്ന സമ്രി നൈറ്റ്
മരുഭൂമിയുടെ മനോഹരമായ രാത്രി പശ്ചാത്തലത്തിലാണ് ഓരോ മ്യൂസിക് ഷോയും ശ്രവണ സമ്പന്നമാവുക. രാത്രി ഷോകളോടൊപ്പം വരുന്ന വെടിക്കെട്ട് പ്രദർശനങ്ങളും സന്ദർശകർക്ക് ആസ്വദിക്കാം.
സീസണിലെ പ്രത്യേക പരിപാടികളുടെ ഭാഗമായി, ജനുവരി 9, 10 തീയതികളിൽ ഒരു മോൺസ്റ്റർ ജാം ഷോ നടക്കും.
സീലൈൻ സർക്യൂട്ട് സ്പോർട്സ് ക്ലബ് വേദിയിൽ ഒരു രാത്രിയിൽ 6,000 സന്ദർശകരെ വരെ ഉൾക്കൊള്ളാൻ കഴിയും, സൗകര്യപ്രദമായ പാർക്കിംഗും പൂർണ്ണ പ്രവേശനക്ഷമതയും വാഗ്ദാനം ചെയ്യുന്നു. ഗേറ്റുകൾ വൈകിട്ട് 6:30 ന് തുറക്കും, ഷോകൾ 8 മണിക്ക് ആരംഭിക്കും.
മ്യൂസിക് ഷോ ടിക്കറ്റുകൾ ഇപ്പോൾ വാങ്ങാൻ ലഭ്യമാണ്.
