ദോഹ: ഖത്തറിൽ 2026 ഏപ്രിൽ മാസത്തേക്കുള്ള പുതിയ ഇന്ധന നിരക്കുകൾ ഖത്തർ എനർജി പ്രഖ്യാപിച്ചു. പുതിയ പട്ടിക പ്രകാരം സൂപ്പർ ഗ്രേഡ് പെട്രോളിന് വില വർദ്ധിച്ചപ്പോൾ, പ്രീമിയം പെട്രോളിന്റെയും ഡീസലിന്റെയും വിലയിൽ മാറ്റമില്ല.
ഏപ്രിൽ മാസത്തെ പുതുക്കിയ നിരക്കുകൾ:
- സൂപ്പർ ഗ്രേഡ് പെട്രോൾ (95 Octane): ലിറ്ററിന് QR 2.05. (മാർച്ച് മാസത്തിൽ ഇത് QR 1.90 ആയിരുന്നു. 15 ദിർഹത്തിന്റെ വർദ്ധനവാണ് രേഖപ്പെടുത്തിയിരിക്കുന്നത്).
- പ്രീമിയം ഗ്രേഡ് പെട്രോൾ (91 Octane): ലിറ്ററിന് QR 1.85. (മാർച്ച് മാസത്തിലെ അതേ വില തുടരുന്നു).
- ഡീസൽ: ലിറ്ററിന് QR 2.05. (മാറ്റമില്ല).
ചൊവ്വാഴ്ചയാണ് ഖത്തർ എനർജി ഇതുസംബന്ധിച്ച ഔദ്യോഗിക അറിയിപ്പ് പുറത്തുവിട്ടത്. അന്താരാഷ്ട്ര വിപണിയിലെ എണ്ണവിലയിലെ മാറ്റങ്ങൾ പരിഗണിച്ചാണ് ഓരോ മാസവും ഖത്തറിൽ ഇന്ധന നിരക്കുകൾ നിശ്ചയിക്കുന്നത്. പുതിയ നിരക്കുകൾ ഏപ്രിൽ ഒന്ന് മുതൽ പ്രാബല്യത്തിൽ വരും.
