ഖത്തറിൽ ഇന്ന് (മാർച്ച് 8) മുതൽ 26 ദിവസം നീണ്ടുനിൽക്കുന്ന ഹമീമൈൻ (രണ്ട് ഹീറ്റ്‌സ്) സീസണ് ആരംഭിക്കുന്നതായി ഖത്തർ കലണ്ടർ ഹൗസ് അറിയിച്ചു. ഖത്തർ ഉൾപ്പെടെയുള്ള പ്രദേശങ്ങളിൽ വസന്തകാലത്തിന്റെ ആരംഭം കുറിക്കുന്നതാണ് സീസൺ.
സീസണിന്റെ മധ്യത്തിൽ, പകലിന്റെയും രാത്രിയുടെയും ദൈർഘ്യം തുല്യമായിരിക്കും. പകൽ ചൂടുള്ള കാലാവസ്ഥയായിരിക്കും. അൽ സരായത്ത് എന്നറിയപ്പെടുന്ന ശക്തമായ, താഴ്ന്ന കാറ്റും ഈ സീസണിൽ സജീവമാകും.
ഖത്തറിലെ വസന്തകാലത്തിന്റെ സവിശേഷത തുടർച്ചയായ കാലാവസ്ഥാ ഏറ്റക്കുറച്ചിലുകളാൽ ഊഷ്മളമായ ദിനങ്ങളും തുടർന്ന് തണുത്ത രാവുകളുമാണ്.
മാർച്ച് രണ്ടാം പകുതിയിൽ രാജ്യത്ത് താപനില ക്രമേണ ഉയരുമെന്ന് ഖത്തർ കാലാവസ്ഥാ വകുപ്പ് ഫെബ്രുവരിയിലെ കാലാവസ്ഥാ വിവരത്തിൽ അറിയിച്ചിരുന്നു. മാർച്ച് മാസത്തിലെ പ്രതിദിന ശരാശരി താപനില 21.9 ഡിഗ്രി സെൽഷ്യസ് ആയിരിക്കും.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KNjF4YIFR12BVGJHu9svlJ
