തുടർച്ചയായ രണ്ടാം വർഷവും ‘ലോകത്തിലെ ഏറ്റവും മികച്ച MICE എയർലൈൻ’ ആയി തിരഞ്ഞെടുക്കപ്പെട്ട് ഖത്തർ എയർവേയ്‌സ്
സെപ്‌തംബർ 4ന് വിയറ്റ്നാമിലെ ഹോ ചി മിൻ സിറ്റിയിൽ നടന്ന വേൾഡ് MICE അവാർഡ്‌സിൽ ഖത്തർ എയർവേയ്‌സിനെ ‘ലോകത്തിലെ ഏറ്റവും മികച്ച MICE എയർലൈൻ 2024’ ആയി തിരഞ്ഞെടുത്തു. ‘മിഡിൽ ഈസ്റ്റിലെ മികച്ച MICE എയർലൈൻ 2024’ എന്ന പദവിയും ഖത്തർ എയർവേയ്‌സ് സ്വന്തമാക്കി. ആഗോളതലത്തിൽ മീറ്റിങ്‌സ്, ഇൻസെന്റീവ്‌സ്, കോൺഫെറൻസസ് ആൻഡ് എക്‌സിബിഷൻസ് (MICE) ടൂറിസത്തിനു നൽകുന്ന ഈ അവാർഡ് തുടർച്ചയായ രണ്ടാം വർഷമാണ് ഖത്തർ എയർവേയ്‌സിന് ലഭിക്കുന്നത്.
തുടർച്ചയായ രണ്ടാം വർഷവും ലോകത്തിലെ ഏറ്റവും മികച്ച MICE എയർലൈനായും മിഡിൽ ഈസ്റ്റിലെ ഏറ്റവും മികച്ച MICE എയർലൈനായും അംഗീകരിക്കപ്പെട്ടതിൽ ഞങ്ങൾക്ക് സന്തോഷമുണ്ടെന്ന് ഖത്തർ എയർവേയ്‌സിൻ്റെ ചീഫ് കൊമേഴ്‌സ്യൽ ഓഫീസർ തിയറി ആൻ്റിനോറി പറഞ്ഞു. ഡിജിറ്റൽ ട്രാവൽ സൊലൂഷനായ QMICE വഴി MICE വ്യവസായം മെച്ചപ്പെടുത്തുന്നതിനുള്ള പ്രതിബദ്ധത ഈ അവാർഡ് എടുത്തുകാണിക്കുന്നുവെന്നും ഈ സേവനം MICE പ്രൊഫഷണലുകൾക്ക് പ്രത്യേക നിരക്കുകളും കൂടുതൽ യാത്രാ സൗകര്യവും ആനുകൂല്യങ്ങളും നൽകുന്നുവെന്നും അദ്ദേഹം പറഞ്ഞു.
