ഫിഫ ലോകകപ്പ്: ഖത്തറിന്റെ മത്സരങ്ങൾ സൗജന്യമായി കാണാം; ഒളിമ്പിക് ആൻഡ് സ്പോർട്സ് മ്യൂസിയത്തിൽ ബിഗ് സ്ക്രീൻ ലൈവ്

ഫിഫ ലോകകപ്പ് 2026-ൽ ഖത്തർ ദേശീയ ടീമിന്റെ ഗ്രൂപ്പ് ഘട്ട മത്സരങ്ങൾ തത്സമയം കാണാൻ കായികപ്രേമികൾക്ക് അവസരമൊരുങ്ങുന്നു. ദോഹയിലെ ‘3-2-1 ഖത്തർ ഒളിമ്പിക് ആൻഡ് സ്പോർട്സ് മ്യൂസിയം’ ആണ് ലൈവ് സ്ക്രീനിംഗിന് ആതിഥേയത്വം വഹിക്കുന്നത്. ഖത്തർ ടീമിനെ ഒന്നിച്ച് പിന്തുണയ്ക്കാൻ ഫുട്ബോൾ ആരാധകരെ മ്യൂസിയം അധികൃതർ സോഷ്യൽ മീഡിയ പോസ്റ്റിലൂടെ ക്ഷണിച്ചു.

മത്സരങ്ങളുടെ സമയക്രമം

• ഖത്തർ vs കാനഡ: ജൂൺ 19 വെള്ളിയാഴ്ച പുലർച്ചെ 1 മണിക്ക് (ഖത്തർ സമയം).
• ഖത്തർ vs ബോസ്നിയ ആൻഡ് ഹെർസഗോവിന: ജൂൺ 24 ബുധനാഴ്ച രാത്രി 10 മണിക്ക് (ഖത്തർ സമയം).

പ്രവേശനം സൌജന്യം

മ്യൂസിയത്തിന്റെ ‘ആക്സസ് ബിൽഡിംഗിന്റെ’ ഏഴാം നിലയിലാണ് (Level 7) ലൈവ് സ്ക്രീനിംഗ് സജ്ജീകരിക്കുന്നത്. പൊതുജനങ്ങൾക്ക് പ്രവേശനം പൂർണ്ണമായും സൌജന്യമായിരിക്കും. ഇതിനായി മുൻകൂട്ടി രജിസ്റ്റർ ചെയ്യേണ്ടതില്ല.