സൗദി അറേബ്യയെ ലക്ഷ്യമിട്ട് നടന്ന ഡ്രോൺ ആക്രമണ ശ്രമത്തെ ഖത്തർ ശക്തമായി അപലപിച്ചു. ഇത് അംഗീകരിക്കാനാവാത്ത ആക്രമണമാണെന്നും സൗദിയുടെ പരമാധികാരത്തിന്മേലുള്ള ലംഘനമാണെന്നും ഖത്തർ വ്യക്തമാക്കി. മേഖലയുടെ സുരക്ഷയ്ക്കും സമാധാനത്തിനും ഇത്തരം നടപടികൾ വലിയ ഭീഷണിയാണെന്ന് ഖത്തർ വിദേശകാര്യ മന്ത്രാലയം പ്രസ്താവനയിൽ അറിയിച്ചു.
സൗദിക്ക് പൂർണ്ണ പിന്തുണ
സൗദി അറേബ്യയുമായുള്ള ഖത്തറിന്റെ ഐക്യദാർഢ്യം വിദേശകാര്യ മന്ത്രാലയം വീണ്ടും ഉറപ്പിച്ചു. രാജ്യത്തിന്റെ സുരക്ഷയും പരമാധികാരവും സംരക്ഷിക്കുന്നതിനും പൗരന്മാരുടെയും താമസക്കാരുടെയും സുരക്ഷിതത്വം ഉറപ്പാക്കുന്നതിനും സൗദി അറേബ്യ സ്വീകരിക്കുന്ന എല്ലാ നടപടികൾക്കും ഖത്തറിന്റെ പൂർണ്ണ പിന്തുണയുണ്ടാകുമെന്ന് പ്രസ്താവനയിൽ പറയുന്നു.
