ദുബായ്: യുണൈറ്റഡ് അറബ് എമിറേറ്റ്സിലെ എല്ലാ പൊതു, സ്വകാര്യ സ്കൂളുകളിലും സ്കൂൾ ബസ് സർവീസുകൾ ഏപ്രിൽ 20 തിങ്കളാഴ്ച മുതൽ പുനരാരംഭിക്കും. നാഷണൽ എമർജൻസി ആൻഡ് ക്രൈസിസ് മാനേജ്മെന്റ് അതോറിറ്റി നടത്തിയ വിലയിരുത്തലുകൾക്ക് ശേഷമാണ് ഈ തീരുമാനമെന്ന് വിദ്യാഭ്യാസ മന്ത്രാലയം അറിയിച്ചു.
സ്കൂൾ ബസ് പ്രവർത്തനങ്ങൾ പുനരാരംഭിച്ചാലും സ്ഥിതിഗതികൾ മന്ത്രാലയം സൂക്ഷ്മമായി നിരീക്ഷിക്കുന്നത് തുടരും. നിലവിലെ സാഹചര്യങ്ങൾക്കനുസരിച്ച് ആവശ്യമായ നടപടികൾ സ്വീകരിക്കുമെന്നും അധികൃതർ വ്യക്തമാക്കിയിട്ടുണ്ട്.
സ്കൂൾ ബസ് സർവീസുകൾ പുനരാരംഭിക്കുന്ന സാഹചര്യത്തിൽ പൊതുജനങ്ങൾ ജാഗ്രത പാലിക്കണമെന്നും അധികൃതർ നൽകുന്ന ഔദ്യോഗിക നിർദ്ദേശങ്ങൾ കൃത്യമായി പാലിക്കണമെന്നും മന്ത്രാലയം അഭ്യർത്ഥിച്ചു.
