Qatar
മൂടൽമഞ്ഞിൽ വാഹനമോടിക്കുമ്പോൾ ശ്രദ്ധിക്കാൻ: ഡ്രൈവർമാർക്കായി ആഭ്യന്തര മന്ത്രാലയത്തിന്റെ നിർദ്ദേശങ്ങൾ
ഖത്തറിൽ മൂടൽമഞ്ഞ് ശക്തമാകുന്ന സാഹചര്യത്തിൽ സുരക്ഷിതമായ യാത്ര ഉറപ്പാക്കാൻ ഡ്രൈവർമാർ താഴെ പറയുന്ന മാർഗ്ഗനിർദ്ദേശങ്ങൾ പാലിക്കണമെന്ന് ആഭ്യന്തര മന്ത്രാലയം ഓർമ്മിപ്പിച്ചു:
- വേഗത കുറയ്ക്കുക: കാഴ്ചപരിധി കുറവായതിനാൽ വാഹനത്തിന്റെ വേഗത നിയന്ത്രിക്കുക. ഇത് പെട്ടെന്ന് ബ്രേക്ക് ഇടേണ്ടി വന്നാൽ അപകടങ്ങൾ ഒഴിവാക്കാൻ സഹായിക്കും.
- ലോ-ബീം ഹെഡ്ലൈറ്റുകൾ ഉപയോഗിക്കുക: മൂടൽമഞ്ഞുള്ളപ്പോൾ ഹൈ-ബീം ലൈറ്റുകൾ ഒഴിവാക്കി ‘ലോ-ബീം’ (Low-beam) ഹെഡ്ലൈറ്റുകൾ ഉപയോഗിക്കുക. ഇത് റോഡിലെ കാഴ്ച കൂടുതൽ വ്യക്തമാക്കും.
- സുരക്ഷിതമായ അകലം പാലിക്കുക: മുന്നിലുള്ള വാഹനവുമായി സാധാരണയേക്കാൾ കൂടുതൽ അകലം പാലിക്കാൻ ശ്രദ്ധിക്കുക.
- ഫോം ലൈറ്റുകൾ ഉപയോഗിക്കുക: വാഹനം ഓടിക്കുമ്പോൾ ഫോഗ് ലൈറ്റുകൾ ഓൺ ചെയ്യുക. എന്നാൽ അത്യാവശ്യ ഘട്ടങ്ങളിലല്ലാതെ ഹസാർഡ് ലൈറ്റുകൾ (Hazard lights) ഉപയോഗിക്കരുത്. ഹസാർഡ് ലൈറ്റുകൾ വാഹനം നിർത്തിയിട്ടിരിക്കുകയാണെന്ന തെറ്റിദ്ധാരണ മറ്റ് ഡ്രൈവർമാർക്ക് നൽകിയേക്കാം.
- വിൻഡ്ഷീൽഡ് വൃത്തിയായി സൂക്ഷിക്കുക: വിൻഡ്ഷീൽഡിലെ മഞ്ഞ് നീക്കം ചെയ്യാൻ വൈപ്പറുകളും ഡീഫ്രോസ്റ്ററുകളും ഉപയോഗിക്കുക.
- ശ്രദ്ധ കേന്ദ്രീകരിക്കുക: പാട്ടുകൾ കേൾക്കുന്നതും ഫോൺ ഉപയോഗിക്കുന്നതും ഒഴിവാക്കി പൂർണ്ണമായും റോഡിൽ ശ്രദ്ധിക്കുക. ആവശ്യമെങ്കിൽ ജനലുകൾ അല്പം താഴ്ത്തി പുറത്തെ വാഹനങ്ങളുടെ ശബ്ദം കേൾക്കാൻ ശ്രമിക്കുന്നത് നന്നായിരിക്കും.
- വാഹനം സുരക്ഷിതമായി നിർത്തുക: കാഴ്ചപരിധി തീരെ കുറവാണെങ്കിൽ റോഡരികിൽ സുരക്ഷിതമായ ഒരിടത്ത് വാഹനം ഒതുക്കി നിർത്തുക. ഈ സമയത്ത് പാർക്കിംഗ് ലൈറ്റുകൾ ഓൺ ചെയ്തിടാൻ മറക്കരുത്.
യാത്രക്കാർ റോഡ് നിയമങ്ങൾ കർശനമായി പാലിക്കണമെന്നും കാലാവസ്ഥാ വ്യതിയാനങ്ങൾക്കനുസരിച്ച് യാത്ര പ്ലാൻ ചെയ്യണമെന്നും അധികൃതർ അഭ്യർത്ഥിച്ചു.
