ഗൾഫ് കേന്ദ്രീകൃതമായി ഗോവ ടൂറിസത്തിന് പ്രൊമോഷനുമായി അധികൃതർ. റോഡ് ഷോകൾക്കും യാത്രാ പ്രദർശനങ്ങൾക്കുമായി ഈയാഴ്ച്ച ഉദ്യോഗസ്ഥർ വിവിധ പ്രദേശങ്ങളിലേക്ക് യാത്ര ചെയ്യും – ഖത്തർ പ്രധാന ശ്രദ്ധാകേന്ദ്രങ്ങളിലൊന്നായിരിക്കും.
തിങ്കളാഴ്ച, മൂന്ന് ദിവസത്തെ ഖത്തർ ട്രാവൽ & ടൂറിസം എക്സ്പോ ആരംഭിക്കും. പരിപാടിയിൽ ഗോവൻ ടൂറിസം മന്ത്രി റോഹൻ ഖൗണ്ടെയും ടൂറിസം ഡയറക്ടർ കേദാർ നായിക്കും സംസ്ഥാനത്തെ പ്രതിനിധീകരിക്കും. എക്സ്പോയിൽ, ആരോഗ്യവും പ്രകൃതി അധിഷ്ഠിത ജീവിതവും, സിനിമാറ്റിക് ടൂറിസം, വിനോദം, ഗോവൻ രാത്രി ജീവിതം എന്നിവയുൾപ്പെടെ നാടിന്റെ വൈവിധ്യമാർന്ന ടൂറിസം അനുഭവങ്ങൾ പ്രദർശന വിധേയമാകും.
ഖത്തർ വിപണിയിൽ ഗോവയുടെ സാന്നിധ്യം ശക്തിപ്പെടുത്തുന്നതിനും രാജ്യത്തെ ടൂറിസം പങ്കാളികളുമായുള്ള ഇടപഴകൽ വർദ്ധിപ്പിക്കുന്നതിനും പങ്കാളിത്തം ലക്ഷ്യമിടുന്നു.
ഖത്തർ പരിപാടിക്ക് മുമ്പ്, ജിടിഡിസി മാനേജിംഗ് ഡയറക്ടർ കുൽദീപ് അരോൽക്കറുടെ നേതൃത്വത്തിൽ ടൂറിസം വകുപ്പ് ഞായറാഴ്ച ബഹ്‌റൈനിൽ ഒരു റോഡ്‌ഷോ നടത്തും. വ്യാഴാഴ്ച, നായിക്കും ഒരു ജിടിഡിസി സംഘവും മറ്റൊരു എക്സ്ക്ലൂസീവ് റോഡ്‌ഷോയ്ക്കായി മലേഷ്യയിലേക്ക് പോകും.
“വിനോദം മുതൽ ക്ഷേമം, അനുഭവ യാത്ര വരെയുള്ള വൈവിധ്യമാർന്ന കാര്യങ്ങളിൽ ഞങ്ങൾ ശ്രദ്ധ കേന്ദ്രീകരിക്കുന്നു. നോക്റ്റോ ടൂറിസം, ജെറ്റ്-സെറ്റിംഗ് തുടങ്ങിയ ഞങ്ങളുടെ പുതിയ ഓഫറുകൾ ഗോവയുടെ ടൂറിസം ആവാസവ്യവസ്ഥ ഏത് ദിശയിലേക്കാണ് നീങ്ങുന്നതെന്ന് പ്രതിഫലിപ്പിക്കുന്നു,” നായിക് പറഞ്ഞു.
ഖത്തറും വിശാലമായ ഗൾഫ് മേഖലയും ഗോവയ്ക്ക് ശക്തമായ സാധ്യതകൾ വാഗ്ദാനം ചെയ്യുന്നുണ്ടെന്ന് ഖൗന്റെ കൂട്ടിച്ചേർത്തു. “പ്രൊഡക്ടീവായ ഒരു കൈമാറ്റം ഞങ്ങൾ പ്രതീക്ഷിക്കുന്നു,” അദ്ദേഹം പറഞ്ഞു.
