Qatar

സീലൈനിൽ തിമിംഗലം ചത്ത സംഭവം: കാരണം പട്ടിണി

സീലൈനിൽ ചത്തതായി കണ്ടെത്തിയ തിമിംഗലത്തിന്റെ പരിശോധനകളിലും സാമ്പിളുകളിലും പട്ടിണി കിടന്നാണ് ചത്തതെന്ന് കണ്ടെത്തി. പ്രായാധിക്യവും മരണകാരണമാണ്.

സെപ്റ്റംബർ 16 വെള്ളിയാഴ്ച രാവിലെ ചത്ത നിലയിൽ കണ്ടെത്തിയ തിമിംഗലത്തിന്റെ മൃതശരീരത്തിൽ നിന്ന് എടുത്ത സാമ്പിളുകളുടെ ഫലം പരിസ്ഥിതി, കാലാവസ്ഥാ വ്യതിയാന മന്ത്രാലയം (MoECC) ഇന്ന് പ്രഖ്യാപിച്ചു.

മറൈൻ ബയോളജി വിദഗ്ധരാണ് 14 മീറ്റർ നീളമുള്ള ചത്ത പെൺ തിമിംഗലത്തിൽ നിന്ന് അളവുകളും സാമ്പിളും ശേഖരിച്ച് പരിശോധിച്ചത്.

പ്രായാധിക്യം മൂലം പട്ടിണി കിടന്നാണ് പെൺ തിമിംഗലം ചത്തതെന്ന് ഫലങ്ങൾ കാണിക്കുന്നു, തിമിംഗലത്തിന്റെ ബലീൻ നഷ്ടപ്പെട്ടതായി കണ്ടെത്തി. ഒരു തിമിംഗലത്തിന്റെ വായയ്ക്കുള്ളിലെ ഫിൽട്ടർ ഫീഡിംഗ് സംവിധാനമാണ് ബലീൻ, ഇത് ഭക്ഷണത്തിനായി കടൽജലം അരിച്ചെടുക്കാൻ ഉപയോഗിക്കുന്നു.

ഇതിനാൽ ആവശ്യത്തിന് ഭക്ഷണം ലഭിക്കാതെ പട്ടിണി കിടന്നാണ് തിമിംഗലം ചത്തതെന്ന് റിപ്പോർട്ട് പറഞ്ഞു.

Related Articles

Leave a Reply

Your email address will not be published. Required fields are marked *

Back to top button