സ്വന്തമായി വീട് നിർമിക്കാൻ ഉദ്ദേശിക്കുന്നവർക്ക് മികച്ച നിർദ്ദേശങ്ങൾ ലഭിക്കുന്ന “ബിൽഡ് യുവർ ഹൗസ്” എക്സിബിഷൻ (BYH ഖത്തർ) തിങ്കളാഴ്ച്ച ഖത്തർ നാഷണൽ കൺവെൻഷൻ സെന്ററിൽ ആരംഭിച്ച് 2025 മെയ് 1 വരെ നീണ്ടുനിൽക്കും.
മോസ്‌തഷാരി പ്രോഗ്രാം പ്രദർശനത്തിൽ ഉൾപ്പെടുത്തുമെന്ന് പരിപാടിയുടെ സംഘാടകരായ നെക്സ്റ്റ്ഫെയേഴ്‌സ് ഞായറാഴ്ച പുറത്തിറക്കിയ പ്രസ്താവനയിൽ പറഞ്ഞു. ഇന്ഡസ്ട്രിയിലെ വിദഗ്ധരിൽ നിന്ന് സൗജന്യവും വ്യക്തിഗതവുമായ ഉപദേശം ലഭിക്കാൻ ഈ പരിപാടി സന്ദർശകർക്ക് അവസരം നൽകുന്നു.
വാസ്‌തുവിദ്യാ രൂപകൽപ്പനയെക്കുറിച്ചുള്ള ഉപദേശം, ശരിയായ വസ്തുക്കൾ തിരഞ്ഞെടുക്കൽ, ആവശ്യമായ അനുമതികൾ നേടൽ എന്നിവയുൾപ്പെടെ ഒരു വീട് നിർമ്മിക്കുന്നതിനെക്കുറിച്ചുള്ള പ്രധാന ടിപ്പുകൾ നൽകുക എന്നതാണ് പരിപാടിയുടെ ലക്ഷ്യം.
വാസ്തുശില്പികൾ, ഡിസൈനർമാർ, അക്കാദമിക് വിദഗ്ധർ തുടങ്ങി 30-ലധികം പ്രഭാഷകരും പ്രദർശനത്തിൽ പങ്കെടുക്കും. സുസ്ഥിരതയും സ്മാർട്ട് ഹോം ബിൽഡിംഗ് സൊല്യൂഷനുകളും ഭവന നിർമ്മാണത്തിന്റെ ഭാവിയും ഉൾപ്പെടെ 25 വ്യത്യസ്ത വിഷയങ്ങളെക്കുറിച്ച് അവർ സംസാരിക്കും.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/JlM3OXullDx42kdlpGxvJE
