ഖത്തർ ടൂറിസവും വിസിറ്റ് ഖത്തറും അടുത്തിടെ രണ്ട് സുപ്രധാന അവാർഡ് ദാന ചടങ്ങുകളിൽ നൂതന ഡിജിറ്റൽ സൊല്യൂഷനുകളുമായി ബന്ധപ്പെട്ട പുരസ്‌കാരങ്ങൾ സ്വന്തമാക്കി.
GenAI ചാറ്റ്‌ബോട്ടും ട്രിപ്പ് പ്ലാനറും ഉപയോഗിച്ച് Gen AI 2024 ൻ്റെ ഏറ്റവും മികച്ച ഉപയോഗത്തിനുള്ള ‘എൻ്റർപ്രൈസ് AI ടെക് അവാർഡ്’ ആണു വിസിറ്റ് ഖത്തർ നേടിയത്. ഒക്ടോബർ 3 ന് മിഡിൽ ഈസ്റ്റ് എൻ്റർപ്രൈസ് ആൻഡ് അനലിറ്റിക്‌സ് ഉച്ചകോടിയിൽ പ്രഖ്യാപിച്ച ഈ അവാർഡ്, പുതിയ സാങ്കേതികവിദ്യയിലൂടെ യാത്രാനുഭവങ്ങൾ മെച്ചപ്പെടുത്തുന്നതിനുള്ള വിസിറ്റ് ഖത്തറിൻ്റെ പ്രതിബന്ധതയെ എടുത്തുകാണിക്കുന്നു.
വിസിറ്റ് ഖത്തർ അതിൻ്റെ വിപുലമായ ഡിജിറ്റൽ പ്ലാറ്റ്‌ഫോമുകൾക്ക് പേരുകേട്ടതാണ്, കൂടാതെ വെബ്‌സൈറ്റിൽ GenAI ഉപയോഗിക്കുന്ന മേഖലയിലെ ആദ്യത്തെ ടൂറിസം സ്ഥാപനവുമാണ്. GenAI ചാറ്റ്ബോട്ട് യാത്രക്കാർക്ക് ഖത്തറിനെക്കുറിച്ചുള്ള വിവരങ്ങൾ അറിയാൻ സഹായിക്കുന്നു, അതേസമയം ട്രിപ്പ് പ്ലാനർ യാത്രാ ആസൂത്രണം മെച്ചപ്പെടുത്താനും ലക്ഷ്യമിടുന്നു. രണ്ടിനും 50ലധികം ഭാഷകളിൽ ആശയവിനിമയം നടത്താൻ കഴിയും, ഇത് ലോകമെമ്പാടുമുള്ള ആളുകൾക്ക് അവരുടെ യാത്രകൾ ആസൂത്രണം ചെയ്യുന്നത് എളുപ്പമാക്കുന്നു.
കൂടാതെ ഖത്തർ ടൂറിസത്തിൻ്റെ സർവീസ് എക്‌സലൻസ് അക്കാദമി, അവരുടെ നൂതന ഡെസ്റ്റിനേഷൻ എഡ്യൂക്കേഷൻ പ്രോഗ്രാമുകൾക്ക് ഗോൾഡ് ട്രാവൽ വീക്ക്‌ലി മഗല്ലൻ അവാർഡും നേടി. മികച്ച പരിശീലനത്തിന് പേരുകേട്ട ഖത്തർ സ്പെഷ്യലിസ്റ്റ്, ഖത്തർ ഹോസ്റ്റ് പ്രോഗ്രാമുകളാണ് ഈ അംഗീകാരത്തിന് പ്രധാന കാരണം.
ഖത്തർ സ്പെഷ്യലിസ്റ്റ് പ്രോഗ്രാം അന്താരാഷ്ട്ര പങ്കാളികൾക്ക് മികച്ച പഠനാനുഭവങ്ങൾ നൽകുന്നതിന് ആധുനിക ഡിജിറ്റൽ സാങ്കേതികവിദ്യ ഉപയോഗിക്കുന്നു, ഖത്തറിനെ ഒരു മികച്ച യാത്രാ കേന്ദ്രമായി പ്രോത്സാഹിപ്പിക്കാൻ അവരെ സഹായിക്കുന്നു. അതേസമയം, ഖത്തറിലെ സന്ദർശകർക്ക് മികച്ച അനുഭവങ്ങൾ നൽകുന്നതിന് ഖത്തർ ഹോസ്റ്റ് പ്രോഗ്രാം മുൻനിര സേവന പ്രവർത്തകർക്ക് പരിശീലനം നൽകുന്നു.
