മെട്രാഷ് ആപ്പിൽ ഇനി പബ്ലിക് പ്രോസിക്യൂഷൻ പിഴകളും അടക്കാം

പൊതുജനങ്ങൾക്ക് പബ്ലിക് പ്രോസിക്യൂഷനുമായി ബന്ധപ്പെട്ട ഫൈനുകൾ അടയ്ക്കാനായി ഒരു പുതിയ ഓപ്ഷൻ മെട്രാഷ് ആപ്പിൽ ഇന്ന് മുതൽ ആരംഭിച്ചു.  

മെട്രാഷ് ഉപയോക്താക്കൾക്ക് ഇനിപ്പറയുന്ന രീതിയിൽ ഈ ഫീച്ചർ ഉപയോഗിക്കാനാവും:

1. ആപ്പിന്റെ പ്രധാന സ്‌ക്രീനിൽ ദൃശ്യമാകുന്ന മുന്നറിയിപ്പ് സന്ദേശത്തിൽ ‘Continue’ തിരഞ്ഞെടുക്കുക.

2. “Fine” ക്ലിക്കുചെയ്ത് വിശദാംശങ്ങൾ അവലോകനം ചെയ്യുക.

3. ‘Next’ നൽകുക.

4. അനുയോജ്യമായ പേയ്‌മെന്റ് രീതി തിരഞ്ഞെടുത്ത് നടപടിക്രമങ്ങൾ പൂർത്തിയാക്കുക.

5. പേയ്‌മെന്റ് പ്രക്രിയ പൂർത്തിയാക്കുക. 

മെട്രാഷ് ആപ്ലിക്കേഷനിൽ പൗരന്മാർക്കും താമസക്കാർക്കും സൗജന്യമായി ലഭ്യമായ 400-ലധികം സേവനങ്ങൾക്ക് പുറമേയാണ് ഈ പുതിയ ഓപ്‌ഷൻ. 

ആവശ്യമായ നടപടിക്രമങ്ങൾ പൂർത്തിയാക്കുന്നതിന് മെട്രാഷ് ആപ്ലിക്കേഷൻ ഉപയോക്താക്കൾക്ക് സുരക്ഷിതവും എൻക്രിപ്റ്റ് ചെയ്തതുമായ സേവനങ്ങൾ നൽകി വരുന്നു.