വ്യാഴാഴ്ച ലുസൈൽ സ്റ്റേഡിയത്തിൽ നടന്ന പ്രഥമ മത്സരവും ക്യുഎൻബി സ്റ്റാർസ് ലീഗിന്റെ രണ്ടാം റൗണ്ടുമായ കളിയിൽ യൂസഫ് മസാക്നി (12’), മെഹർദാദ് മുഹമ്മദി (64’ പെനാൽറ്റി) എന്നിവരുടെ ഗോളുകളിൽ അൽ അറബി അൽ റയ്യാനെതിരെ 2-1 ന് വിജയം നേടി.
ഫിഫ ലോകകപ്പ് ഖത്തർ 2022 ഫൈനൽ വേദിയിൽ 20,000-ത്തിലധികം കാണികൾക്ക് മുന്നിൽ നടന്ന മൽസരത്തിൽ ഐവേറിയൻ യോഹാൻ ബോലി, 78-ാം മിനിറ്റിൽ അൽ റയാന്റെ ഏക ഗോൾ നേടി.
കഴിഞ്ഞ സീസണിൽ നാലാമതായി ഫിനിഷ് ചെയ്ത യൂനസ് അലി പരിശീലിപ്പിച്ച ഡ്രീം ടീം വ്യാഴാഴ്ചത്തെ വിജയത്തോടെ പോയിന്റ് നില ആറായി ഉയർത്തി. നിക്കോളാസ് കോർഡോവ പരിശീലിപ്പിക്കുന്ന അൽ റയ്യാൻ രണ്ട് റൗണ്ടുകൾക്കുശേഷവും വിജയിച്ചില്ല.
നേരത്തെ, അഹ്മദ് ബിൻ അലി സ്റ്റേഡിയത്തിൽ, അൽ അഹ്‌ലിയും കഴിഞ്ഞ വർഷത്തെ റണ്ണേഴ്‌സ് അപ്പായ അൽ ദുഹൈലും ഒരു ഗോളിന് സമനില നേടിയ ശേഷം പോയിന്റുകൾ പങ്കിട്ടു. നാസർ അൽ യസീദി (അൽ ദുഹൈൽ), ഹുസൈൻ കനാനി (അൽ അഹ്‌ലി) എന്നിവരാണ് ഗോളുകൾ നേടിയത്.
