ദോഹ ജ്വല്ലറി & വാച്ചസ് എക്‌സിബിഷൻ (ഡിജെഡബ്ല്യുഇ) ഇന്ന് മുതൽ മെയ് 14 ശനിയാഴ്ച വരെ ദോഹ എക്‌സിബിഷൻ ആൻഡ് കൺവെൻഷൻ സെന്ററിൽ നടക്കും.
പാൻഡെമിക് മൂലം ഒരു വർഷത്തെ ഇടവേളയ്ക്ക് ശേഷമുള്ള, ഡിജെഡബ്ല്യുഇ ലോഞ്ച്, ആഗോള വിദഗ്‌ധരുടെ ശിൽപശാലകൾ, ഖത്തറി പ്രതിഭകളുടെ ആഭരണ ഡിസൈനുകൾ, ഖത്തറിനായി രൂപകൽപ്പന ചെയ്‌തിരിക്കുന്ന എക്‌സ്‌ക്ലൂസീവ് ശേഖരങ്ങൾ, ഫിഫ വേൾഡ് കപ്പ് ഖത്തർ ആഭരണ ശേഖരം എന്നിവയുൾപ്പെടെയുള്ള പുത്തൻ പ്രോഗ്രാമുകളുമായാണ് തിച്ചെത്തുന്നത്.
ഇവന്റ് ഹൈലൈറ്റുകളിൽ യംഗ് ഖത്തരി ഡിസൈനേഴ്സ് പവലിയൻ, ഡി ബിയേഴ്സ് നടത്തുന്ന ഡയമണ്ട് വർക്ക്ഷോപ്പുകൾ, ഒബ്ജക്റ്റിഫ് ഹോർലോഗറി വർക്ക്ഷോപ്പുകൾ, ഖത്തർ വാച്ച് ക്ലബ് വർക്ക്ഷോപ്പുകൾ എന്നിവ ഉൾപ്പെടുന്നു.
ഖത്തറിലെയും മറ്റ് രാജ്യങ്ങളിലെയും കമ്പനികൾക്കും സന്ദർശകർക്കും ഒരു നെറ്റ്‌വർക്കിംഗ് പ്ലാറ്റ്‌ഫോമാക്കി മാറ്റുന്നതിനാൽ പ്രാദേശികവും, അന്തർദേശീയവുമായ 10-ലധികം രാജ്യങ്ങളിൽ നിന്നുള്ള 500-ലധികം ബ്രാൻഡുകൾ DJWE അവതരിപ്പിക്കും.
ഇന്ത്യൻ, ടർക്കിഷ് പവലിയനുകൾ യഥാക്രമം 18, എട്ട് പ്രദർശകരുമായി വീണ്ടും തിരിച്ചെത്തും. പരിപാടി ഉദ്ഘാടനം ചെയ്യുന്ന ഇന്ത്യൻ സൂപ്പർതാരം ആലിയ ഭട്ടാണ് ഈ വർഷത്തെ പ്രചാരണ മുഖം.
വെസ്റ്റ് ബേയിലെ ദോഹ എക്‌സിബിഷൻ ആൻഡ് കൺവെൻഷൻ സെന്ററിൽ മെയ് 14 വരെ ആറ് ദിവസത്തെ പരിപാടി നടക്കും. വെള്ളിയാഴ്ച (മെയ് 13) ഒഴികെ എല്ലാ ദിവസവും ഉച്ചയ്ക്ക് 12 മുതൽ രാത്രി 10 വരെ മേള തുറന്നിരിക്കും. വെള്ളിയാഴ്ച വൈകുന്നേരം 4 മുതൽ രാത്രി 10 വരെ തുറന്നിരിക്കും. പങ്കെടുക്കാൻ ആഗ്രഹിക്കുന്നവർ വിസിറ്റ് ഖത്തർ എന്ന വെബ്സൈറ്റിൽ രജിസ്റ്റർ ചെയ്യണം
