ദോഹ: ഖത്തറിലെ മുൻനിര റീട്ടെയിൽ ശൃംഖലയായ അൽ മീറ കൺസ്യൂമർ ഗുഡ്സ് കമ്പനി (Q.P.S.C.) തങ്ങളുടെ പുത്തൻ ബ്രാൻഡ് ഐഡന്റിറ്റി പുറത്തിറക്കി. കമ്പനിയുടെ വളർച്ചയുടെയും നവീകരണത്തിന്റെയും ഭാഗമായാണ് ഈ മാറ്റം. ഉപഭോക്തൃ സേവനങ്ങളിൽ കൂടുതൽ മികവ് പുലർത്തുന്നതിനും ആധുനികമായ കാഴ്ചപ്പാടുകൾ ഉൾക്കൊള്ളുന്നതിനുമാണ് പുതിയ ലോഗോയും അടയാളങ്ങളും ലക്ഷ്യമിടുന്നത്.
രാജ്യത്തുടനീളം 65-ലധികം ശാഖകളുള്ള അൽ മീറ, ഖത്തറി സംസ്കാരവും മൂല്യങ്ങളും കാത്തുസൂക്ഷിച്ചുകൊണ്ട് തന്നെ ഉപഭോക്താക്കൾക്ക് കൂടുതൽ മികച്ച ഷോപ്പിംഗ് അനുഭവം നൽകാൻ പ്രതിജ്ഞാബദ്ധമാണെന്ന് അറിയിച്ചു.
