ദോഹ: ഓൾഡ് ദോഹ പോർട്ടിൽ നടക്കാനിരുന്ന ഫിഷിംഗ് എക്സിബിഷന്റെ രണ്ടാം പതിപ്പും ഫിഷിംഗ് മത്സരത്തിന്റെ മൂന്നാം പതിപ്പും മാറ്റിവെച്ചതായി അധികൃതർ അറിയിച്ചു. മാർച്ച് 23 മുതൽ 28 വരെ മിന പാർക്കിൽ (Mina Park) നടത്താനായിരുന്നു നേരത്തെ നിശ്ചയിച്ചിരുന്നത്.
പുതുക്കിയ തീയതികൾ പിന്നീട് പ്രഖ്യാപിക്കുമെന്ന് ഓൾഡ് ദോഹ പോർട്ട് അധികൃതർ അറിയിച്ചു. തീയതികൾ സംബന്ധിച്ച വിവരങ്ങൾ ഔദ്യോഗിക ചാനലുകൾ വഴി പങ്കുവെക്കും. ഖത്തറിന്റെ സമുദ്ര പാരമ്പര്യം കാത്തുസൂക്ഷിക്കുന്നതിനായുള്ള പ്രതിബദ്ധത ആവർത്തിച്ച അധികൃതർ, മത്സരാർത്ഥികളെയും ഫിഷിംഗ് കമ്മ്യൂണിറ്റിയെയും ഉടൻ തന്നെ തിരികെ സ്വാഗതം ചെയ്യാൻ കഴിയുമെന്ന് പ്രത്യാശ പ്രകടിപ്പിച്ചു.
