ഗസ്സയ്ക്കുള്ള സഹായ വസ്തുക്കളുമായി 60 ട്രക്കുകൾ റമദാൻ സിറ്റിയിൽ നിന്ന് ഈജിപ്ത് നഗരമായ അൽ അരിഷിലേക്ക് റഫ ക്രോസിംഗ് വഴി ഗാസ മുനമ്പിലേക്ക് തിങ്കളാഴ്ച പുറപ്പെട്ടു. അന്താരാഷ്ട്ര സഹകരണ സഹമന്ത്രി ഡോ. മറിയം ബിൻത് അലി ബിൻ നാസർ അൽ മിസ്‌നാദ് സഹായ യാത്രക്ക് മേൽനോട്ടം വഹിച്ചു.
മന്ത്രി നിലവിൽ ഈജിപ്തിൽ നടത്തുന്ന സന്ദർശന വേളയിൽ, റമദാൻ സിറ്റിയിലെ ഖത്തരി ഹ്യൂമൻ എയ്ഡ് വെയർഹൗസ് സന്ദർശിച്ചു.
ഗസയിലേക്കുള്ള ഖത്തരി സഹായത്തിൽ (25,500) സമഗ്രമായ ഭക്ഷണ കൊട്ടകൾ, (1,800) ശുചിത്വ കൊട്ടകൾ, (1,000) ഷെൽട്ടർ കിറ്റുകൾ, (400) ടൺ മാവ്, (7,400) കാർട്ടണുകൾ ബേബി മിൽക്ക് എന്നിവ ഉൾപ്പെടുന്നു.
