ദോഹയിൽ നിയമം ലംഘിച്ച് മാറ്റങ്ങൾക്ക് വിധേയമാക്കിയ നിരവധി വെയർഹൗസുകളും കെട്ടിട പാർട്ടീഷനുകനുകളും ദോഹ മുനിസിപ്പാലിറ്റി കണ്ടുകെട്ടിയതായി മുനിസിപ്പാലിറ്റി മന്ത്രാലയം (MoM) അറിയിച്ചു.
ദോഹ മുനിസിപ്പാലിറ്റി നജ്മയിൽ അഞ്ച് റാൻഡം വെയർഹൗസുകളും ഫിരീജ് ബിൻ ദിർഹാമിലെ ഒരു പാർപ്പിട മേഖലയിൽ അനധികൃത പാർട്ടീഷനുകളും കണ്ടെത്തി.
നജ്മയിൽ ലൈസൻസില്ലാത്ത സൂപ്പർമാർക്കറ്റുകളാക്കി മാറ്റിയ റെസിഡൻഷ്യൽ പാർക്കിംഗ് സ്ഥലങ്ങളും, ഫർണിച്ചറുകളും നിർമ്മാണ ഉപകരണങ്ങളും സൂക്ഷിക്കാൻ ഉപയോഗിച്ചിരുന്ന നുഐജയിലെ അനധികൃത സംഭരണ കേന്ദ്രവും മന്ത്രാലയം കണ്ടെത്തി.
ആവശ്യമായ നിയമനടപടികൾ സ്വീകരിക്കുകയും നിയമലംഘകരെ സുരക്ഷാ അധികാരികൾക്ക് റഫർ ചെയ്യുകയും ചെയ്തു.
ദോഹ മുനിസിപ്പാലിറ്റി റിയൽ എസ്റ്റേറ്റ് ഉടമകളോടും വാടകക്കാരോടും ആസൂത്രണ ആവശ്യകതകളും കെട്ടിട പെർമിറ്റുകളും പാലിക്കാൻ ആവശ്യപ്പെട്ടു. കൂടാതെ മുനിസിപ്പാലിറ്റിയിൽ നിന്ന് ആവശ്യമായ പെർമിറ്റുകൾ നേടാതെ വസ്തുവിൽ ഒരു മാറ്റവും വരുത്തരുതെന്ന് ഉടമകൾക്ക് നിർദ്ദേശം നൽകി.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/DHRyz42WJ9MHbGQePH5iVi
