ഫിഫ അറബ് കപ്പ് ഖത്തർ 2025, ഫിഫ അണ്ടർ 17 ലോകകപ്പ് ഖത്തർ 2025 എന്നിവയുടെ നറുക്കെടുപ്പുകൾ പൂർത്തിയായി

മെയ് 25 ഞായറാഴ്ച്ച ദോഹയിലെ റാഫിൾസ് ഹോട്ടലിൽ വെച്ച് ഫിഫ അറബ് കപ്പ് ഖത്തർ 2025, ഫിഫ അണ്ടർ 17 ലോകകപ്പ് ഖത്തർ 2025 എന്നിങ്ങനെ ഈ വർഷം ഖത്തറിൽ നടക്കാൻ പോകുന്ന രണ്ട് പ്രധാന ഫുട്ബോൾ ടൂർണമെന്റുകളുടെ നറുക്കെടുപ്പ് പൂർത്തിയായി.

ഫിഫ അറബ് കപ്പ് ഖത്തർ 2025

ഖത്തർ അറബ് കപ്പിന് ആതിഥേയത്വം വഹിക്കുന്നത് ഇത് രണ്ടാം തവണയാണ്. ആകെ 23 ദേശീയ ടീമുകൾ ഈ ടൂർണമെന്റിൽ പങ്കെടുക്കും. യോഗ്യതാ ഘട്ടം നവംബർ 25-നും 26-നും നടക്കും, ഫൈനൽ ഘട്ടം ഡിസംബർ 1 മുതൽ 18 വരെ നടക്കും.

യോഗ്യതാ ഘട്ടത്തിൽ ഏഴ് നോക്കൗട്ട് മത്സരങ്ങൾ ഉണ്ടാകും. വിജയികൾ ഫൈനൽ സ്റ്റേജിലുള്ള ഗ്രൂപ്പുകളിലെ മറ്റ് ടീമുകളുമായി ചേരും.

ഫിഫ അണ്ടർ 17 ലോകകപ്പ് ഖത്തർ 2025

ഈ ടൂർണമെന്റ് നവംബർ 3 മുതൽ 27 വരെ നടക്കും. അണ്ടർ 17 ലോകകപ്പിൽ 48 ടീമുകൾ ആദ്യമായി ഉൾപ്പെടുന്നത് ഇത്തവണത്തെ എഡിഷനിലാണ്. ആസ്പയർ സോൺ കോംപ്ലക്സിലാണ് മത്സരങ്ങൾ നടക്കുക, നവംബർ 27-ന് ഖലീഫ ഇന്റർനാഷണൽ സ്റ്റേഡിയത്തിലാണ് ഫൈനൽ നടക്കുക.

നറുക്കെടുപ്പ് ആരംഭിക്കുന്നതിന് മുമ്പ്, ഫിഫ പ്രസിഡന്റ് ഗിയാനി ഇൻഫാന്റിനോ ഒരു വീഡിയോ സന്ദേശത്തിലൂടെ 550 ഓളം അതിഥികളെ സ്വാഗതം ചെയ്‌തു.

ഫിഫ യൂത്ത് ടൂർണമെന്റുകളുടെ തലവൻ റോബർട്ടോ ഗ്രാസിയാണ് അണ്ടർ 17 ലോകകപ്പ് നറുക്കെടുപ്പിന് നേതൃത്വം നൽകിയത്. ഖത്തർ അണ്ടർ 17 കളിക്കാരനായ അബ്ദുൽ അസീസ് അൽ സുലൈത്തിയും 2014-ൽ ജർമ്മനിക്കൊപ്പം ലോകകപ്പ് ജേതാവായ ജൂലിയൻ ഡ്രാക്സ്ലറും അദ്ദേഹത്തോടൊപ്പം ഉണ്ടായിരുന്നു.

അണ്ടർ 17 ലോകകപ്പിനുള്ള ടിക്കറ്റുകൾ വാങ്ങാൻ ആരാധകർക്ക് ഇപ്പോൾ താൽപ്പര്യം രജിസ്റ്റർ ചെയ്യാം.

ഫിഫ അറബ് കപ്പ് 2025 നറുക്കെടുപ്പ് ഫലങ്ങൾ

യോഗ്യതാ ഘട്ട മത്സരങ്ങൾ:

Q1: ഒമാൻ vs സൊമാലിയ

Q2: ബഹ്‌റൈൻ vs ജിബൂട്ടി

Q3: സിറിയ vs ദക്ഷിണ സുഡാൻ

Q4: പലസ്തീൻ vs ലിബിയ

Q5: ലെബനൻ vs സുഡാൻ

Q6: കുവൈറ്റ് vs മൗറിറ്റാനിയ

Q7: യെമൻ vs കൊമോറോസ്

ഫൈനൽ സ്റ്റേജ് ഗ്രൂപ്പുകൾ:

ഗ്രൂപ്പ് എ: ഖത്തർ, ടുണീഷ്യ, Q3-ലെ വിജയി, Q4-ലെ വിജയി

ഗ്രൂപ്പ് ബി: മൊറോക്കോ, സൗദി അറേബ്യ, Q1-ലെ വിജയി, Q7-ലെ വിജയി

ഗ്രൂപ്പ് സി: ഈജിപ്‌ത്‌, ജോർദാൻ, യുണൈറ്റഡ് അറബ് എമിറേറ്റ്സ്, Q6-ലെ വിജയി

ഗ്രൂപ്പ് ഡി: അൾജീരിയ, ഇറാഖ്, Q2-ലെ വിജയി, Q5-ലെ വിജയി

ഫിഫ അണ്ടർ 17 ലോകകപ്പ് 2025 ഗ്രൂപ്പ് സ്റ്റേജ് നറുക്കെടുപ്പ്

ഗ്രൂപ്പ് എ: ഖത്തർ, ഇറ്റലി, ദക്ഷിണാഫ്രിക്ക, ബൊളീവിയ

ഗ്രൂപ്പ് ബി: ജപ്പാൻ, മൊറോക്കോ, ന്യൂ കാലിഡോണിയ, പോർച്ചുഗൽ

ഗ്രൂപ്പ് സി: സെനഗൽ, ക്രൊയേഷ്യ, കോസ്റ്റാറിക്ക, യുണൈറ്റഡ് അറബ് എമിറേറ്റ്സ്

ഗ്രൂപ്പ് ഡി: അർജന്റീന, ബെൽജിയം, ടുണീഷ്യ, ഫിജി

ഗ്രൂപ്പ് ഇ: ഇംഗ്ലണ്ട്, വെനിസ്വേല, ഹെയ്തി, ഈജിപ്‌ത്‌

ഗ്രൂപ്പ് എഫ്: മെക്സിക്കോ, ദക്ഷിണ കൊറിയ, കോട്ട് ഡി ഐവയർ, സ്വിറ്റ്സർലൻഡ്

ഗ്രൂപ്പ് ജി: ജർമ്മനി, കൊളംബിയ, ഉത്തര കൊറിയ, എൽ സാൽവഡോർ

ഗ്രൂപ്പ് എച്ച്: ബ്രസീൽ, ഹോണ്ടുറാസ്, ഇന്തോനേഷ്യ, സാംബിയ

ഗ്രൂപ്പ് ഐ: യുഎസ്എ, ബുർക്കിന ഫാസോ, താജിക്കിസ്ഥാൻ, ചെക്കിയ

ഗ്രൂപ്പ് ജെ: പരാഗ്വേ, ഉസ്ബെക്കിസ്ഥാൻ, പനാമ, റിപ്പബ്ലിക് ഓഫ് അയർലൻഡ്

ഗ്രൂപ്പ് കെ: ഫ്രാൻസ്, ചിലി, കാനഡ, ഉഗാണ്ട

ഗ്രൂപ്പ് എൽ: മാലി, ന്യൂസിലാൻഡ്, ഓസ്ട്രിയ, സൗദി അറേബ്യ

ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/D4WDfhjld0jFXSYHVlwyf2