ഖത്തറിൽ സ്വദേശിവത്കരണം തുടങ്ങി; വിരമിച്ച ഗവണ്മെന്റ് ജീവനക്കാർക്ക് സ്വകാര്യ മേഖലയിൽ തൊഴിൽ കണ്ടെത്താനായി പ്ലാറ്റ്ഫോം ആരംഭിച്ചു

ഖത്തറിൽ ഗവണ്മെന്റ് സെക്ടറിൽ നിന്ന് വിരമിച്ച ശേഷം സ്വകാര്യ മേഖലയിൽ ജോലി ചെയ്യാൻ ആഗ്രഹിക്കുന്നവരെ നിയമിക്കുന്നതിനായി തൊഴിൽ മന്ത്രാലയം (എംഒഎൽ) “ഇസ്റ്റാമർ” പ്ലാറ്റ്ഫോം ആരംഭിച്ചു. പബ്ലിക് സെക്ടറിലെ വൈദഗ്ധ്യം തുടർന്നും ഉപയോഗിക്കുന്നതിനും സ്വകാര്യ മേഖലയിൽ യോഗ്യതയുള്ള ദേശീയ കേഡർമാരുടെ സാന്നിധ്യം വർദ്ധിപ്പിക്കുന്നതിനുമുള്ള പദ്ധതിയുടെ ഭാഗമായാണ് നടപടി.

“Istamer” ഡിജിറ്റൽ പ്ലാറ്റ്‌ഫോം അനാച്ഛാദനം ചെയ്യുന്നത് സ്വകാര്യ മേഖല തൊഴിലുകളുടെ പ്രാദേശികവൽക്കരണത്തിനായുള്ള ദേശീയ പരിപാടിയുടെ ആദ്യ ഘട്ടമായാണ്. തൊഴിൽ മേഖലയിൽ വീണ്ടും പ്രവേശിക്കാൻ താൽപ്പര്യമുള്ള വിരമിച്ച വ്യക്തികളെ അവരുടെ വൈദഗ്ധ്യത്തിന് അനുസൃതമായി സ്വകാര്യ സ്ഥാപനങ്ങളിൽ റോളുകൾ കണ്ടെത്തുന്നതിന് സഹായിക്കുക എന്നതാണ് പ്ലാറ്റ്ഫോമിന്റെ ഉദ്ദേശ്യം. അപേക്ഷാ നടപടികൾ സെപ്റ്റംബർ 24 മുതൽ തുടങ്ങി.

ഈ പ്ലാറ്റ്‌ഫോം വഴി, വിരമിച്ചവർക്ക് പ്രൊഫൈലുകൾ സജ്ജീകരിക്കാൻ കഴിയും. തൊഴിൽ ശക്തിയിൽ വീണ്ടും ചേരാൻ താൽപ്പര്യമുള്ള വിരമിച്ചവരുടെ എണ്ണം കണക്കാക്കാനും അവരുടെ വൈദഗ്ധ്യം വിലയിരുത്താനും പ്ലാറ്റ്‌ഫോം അഡ്മിനിസ്ട്രേറ്റർമാരെ സഹായിക്കുന്നു. തൊഴിൽ സാധ്യതയുള്ള ഉചിതമായ സ്ഥാപനങ്ങളുമായോ കമ്പനികളുമായോ അവരെ റഫർ ചെയ്യാൻ പ്ലാറ്റ്ഫോമിന് സാധിക്കും.

അപേക്ഷാ സമർപ്പണം മുതൽ ഇന്റർവ്യൂ, അവസാന ജോലി ഓഫറുകൾ വരെയുള്ള മുഴുവൻ റിക്രൂട്ട്‌മെന്റ് പ്രക്രിയയും പ്ലാറ്റ്‌ഫോം കാര്യക്ഷമമാക്കുന്നു. ഇത് തൊഴിൽ അപേക്ഷകർക്ക് സ്വകാര്യ മേഖലയിൽ ലഭ്യമായ റോളുകളെ സംബന്ധിച്ച് സുതാര്യത ഉറപ്പാക്കുന്നു. അതേസമയം നിയമന ഘട്ടത്തിൽ സാധ്യതയുള്ള ഉദ്യോഗാർത്ഥികളുടെ വിശാലമായ ലിസ്റ്റ് ബിസിനസുകൾക്ക് നൽകുകയും ചെയ്യുന്നു.

അതേസമയം, തൊഴിലന്വേഷകരുടെ തൊഴിൽ സാധ്യതകളെ പ്ലാറ്റ്ഫോം ബാധിക്കില്ലെന്നു അധികൃതർ എടുത്തുപറഞ്ഞു. കാരണം സർക്കാർ കോർപ്പറേഷനുകൾ, ഊർജമേഖലയിലെ ബിസിനസുകൾ, പ്രധാന കമ്പനികൾ, പൊതു പ്രയോജനമുള്ള സ്വകാര്യ സ്ഥാപനങ്ങൾ എന്നിവയുൾപ്പെടെ 300 സ്ഥാപനങ്ങളുടെ പ്രത്യേകം പങ്കാളിത്തത്തോടെയാണ് ഇത് പ്രവർത്തിക്കുക. സ്വകാര്യ വിദ്യാഭ്യാസം, സ്വകാര്യ ആരോഗ്യ സംരക്ഷണം, ഹോസ്പിറ്റാലിറ്റി, ഹോട്ടൽ വ്യവസായം, സ്വകാര്യ സുരക്ഷ എന്നിവയുൾപ്പെടെ വിവിധ സ്വകാര്യ മേഖലകളിൽ വിരമിച്ചവർക്കായി പ്രത്യേകമായാണ് പ്ലാറ്റ്ഫോം തൊഴിലവസരങ്ങൾ നൽകുക.

🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KymOKj4Bi1pF8sPsKUwSuv