Qatar

ഖത്തറിൽ അഞ്ച് പുതിയ ബസ് സ്റ്റേഷനുകൾ തുറന്നു

ഖത്തറിൽ ഉയർന്ന നിലവാരമുള്ള ഗതാഗത സേവനങ്ങൾ ലഭ്യമാക്കുന്നതിനായി നടപ്പിലാക്കുന്ന പബ്ലിക് ബസ് ഇൻഫ്രാസ്ട്രക്ചർ പ്രോഗ്രാമിന് കീഴിൽ വിവിധ സ്ഥലങ്ങളിൽ അഞ്ച് പുതിയ ബസ് സ്റ്റേഷനുകൾ തുറന്നു.

ലുസൈൽ, അൽ വക്ര, ഇൻഡസ്ട്രിയൽ ഏരിയ, അൽ സുഡാൻ, അൽ റയ്യാൻ ബസ് സ്റ്റേഷനുകൾ പൂർണമായും പ്രവർത്തനക്ഷമമാണെന്ന് മൊവാസലാത്ത് (കർവ) ചൊവ്വാഴ്ച ട്വിറ്ററിലൂടെ അറിയിച്ചു.

വെസ്റ്റ് ബേ, മ്ഷൈറബ്, അൽ ഗരാഫ ബസ് സ്റ്റേഷനുകളുടെ പണി പുരോഗമിക്കുകയാണ്. ഇവ ഉടൻ തുറക്കുമെന്ന് പ്രതീക്ഷിക്കുന്നു.

രാജ്യത്തുടനീളം ഉയർന്ന നിലവാരമുള്ള ഗതാഗത സേവനങ്ങളും ആധുനിക പാർക്കിംഗ് സൗകര്യങ്ങളും നൽകുന്നതിന്റെ ഭാഗമായി പൊതുമരാമത്ത് അതോറിറ്റി (അഷ്ഗൽ) യുടെ ഏകോപനത്തോടെയാണ് ഗതാഗത മന്ത്രാലയം (MoT) പൊതു ബസ് ഇൻഫ്രാസ്ട്രക്ചർ പ്രോഗ്രാം നടപ്പിലാക്കുന്നത്.  

ഏറ്റവും ഉയർന്ന ആഗോള സുരക്ഷാ-പരിസ്ഥിതി മാനദണ്ഡങ്ങളായ GSAS അനുസരിച്ചാണ് ബസ് സ്റ്റേഷനുകൾ നിർമ്മിച്ചിരിക്കുന്നത്. ബസ് ഡിപ്പോകൾക്കും സ്റ്റേഷനുകൾക്കും ഊർജ്ജ-പരിസ്ഥിതി സംരക്ഷണത്തിനായി ത്രീ-സ്റ്റാർ പാരിസ്ഥിതിക ഗുണമേന്മയുള്ള സുപ്രധാന രൂപകൽപ്പനയും മറ്റു പരിഗണനകളും ഉൾക്കൊള്ളുന്നു.

പരിപാടിയുടെ ഭാഗമായി, “പാർക്ക് ആൻഡ് റൈഡ്” സൗകര്യങ്ങൾ ചില സ്ഥലങ്ങളിൽ ലഭ്യമാണ്. യാത്രക്കാർക്ക് സൗജന്യ പാർക്കിംഗ് സ്ഥലങ്ങൾ ഉപയോഗിക്കാം. വാഹനങ്ങൾ പാർക്ക് ചെയ്യാനും ആവശ്യമെങ്കിൽ മെട്രോ സേവനങ്ങൾ പ്രയോജനപ്പെടുത്താനും കഴിയും.

Related Articles

Leave a Reply

Your email address will not be published. Required fields are marked *

Back to top button