ദോഹ: 2025 ഏപ്രിലിൽ മൊബൈൽ ബ്രോഡ്‌ബാൻഡ് വേഗതയ്‌ക്കുള്ള ഊക്‌ലയുടെ സ്പീഡ്‌ടെസ്റ്റ് ഗ്ലോബൽ ഇൻഡെക്‌സിൽ ലോകത്ത് ഒന്നാം സ്ഥാനം നേടിയ ഖത്തറിന്റെ നേട്ടം രാജ്യത്തെ മുൻനിര ബ്രോഡ്ബാന്റായ വോഡഫോൺ ഖത്തർ ആഘോഷിച്ചു.
അസാധാരണമായ മൊബൈൽ ഡൗൺലോഡ്, അപ്‌ലോഡ് വേഗതകളോടെ, വേഗതയേറിയതും സുരക്ഷിതവുമായ കണക്റ്റിവിറ്റി സേവനങ്ങൾ നൽകുന്നതിൽ ഖത്തർ ആഗോളതലത്തിൽ തന്നെ ഒന്നാമനായി.
521.52 Mbps ഡൗൺലോഡ് വേഗത, 34.09 Mbps അപ്‌ലോഡ് വേഗത എന്നീ സമാനതകളില്ലാത്ത റെക്കോഡുകൾ ഖത്തറിനെ മൊബൈൽ ഇന്റർനെറ്റ് വേഗതയിൽ ഊക്‌ല സ്പീഡ്‌ടെസ്റ്റ് ഗ്ലോബൽ ഇൻഡെക്‌സ് എടുത്തുകാണിച്ചു.
ഖത്തറിന്റെ ദേശീയ ദർശനം 2030 ന്റെ ഒരു പ്രധാന വശമായ 5G നെറ്റ്‌വർക്ക് വികസനം അതിന്റെ ഡിജിറ്റൽ അജണ്ടയുടെ കേന്ദ്രമാക്കി അടിസ്ഥാന സൗകര്യങ്ങൾ വികസിപ്പിക്കാനുള്ള രാജ്യത്തിന്റെ നിരന്തരമായ നീക്കത്തെ ഈ നാഴികക്കല്ല് പ്രതിഫലിപ്പിക്കുന്നു.
