QatarTravel

ഹമദ് എയർപോർട്ടിൽ 40 സെക്കന്റിൽ നടപടികൾ പൂർത്തിയാക്കാം; ഇ-ഗേറ്റുകളുടെ സാധ്യതയെക്കുറിച്ചു ഉദ്യോഗസ്ഥൻ

ഹമദ് ഇന്റർനാഷണൽ എയർപോർട്ടിൽ ഇ-ഗേറ്റുകൾ ഉപയോഗിച്ച് യാത്രാ നടപടിക്രമങ്ങൾ പൂർത്തിയാക്കാൻ, ഒരു ശരാശരി യാത്രക്കാരന് പരമാവധി 40 സെക്കൻഡ് മതിയെന്ന് എയർപോർട്ട് പാസ്‌പോർട്ട് ഡിപ്പാർട്ട്‌മെന്റ് ഓഫീസർ മേജർ മുഹമ്മദ് മുബാറക് അൽ-ബുവൈനൈൻ പറഞ്ഞു. ഖത്തർ റേഡിയോയോട് സംസാരിക്കുകയായിരുന്നു അദ്ദേഹം.

എച്ച്ഐഎയിലെ ടെർമിനലുകൾക്ക് ഇലക്ട്രോണിക് ഗേറ്റുകൾ നൽകിയിട്ടുണ്ടെന്നും യാത്രക്കാരുടെ ഇഷ്ടത്തിനനുസരിച്ച് പുറപ്പെടുമ്പോഴും എത്തിച്ചേരുമ്പോഴും അവ ഉപയോഗിക്കാനുള്ള സ്വാതന്ത്ര്യമുണ്ടെന്നും അദ്ദേഹം വ്യക്തമാക്കി.

ഇ-ഗേറ്റ് കൗണ്ടറിൽ ഒരു യാത്രക്കാരന് 30 മുതൽ 40 സെക്കൻഡ് വരെ സമയമെടുക്കുമെന്നും, ഈ സമയം കവിയുന്നുവെങ്കിൽ, അത് കൂടുതൽ സൂക്ഷ്മപരിശോധനയോ അധിക വിവരങ്ങളോ ആവശ്യമാണെന്ന് അർത്ഥമാക്കുന്നതായും മേജർ അൽ-ബുവൈനൈൻ പറഞ്ഞു.

എച്ച്‌ഐഎയിലെ എല്ലാ ടെർമിനലുകളിലും ഇ-ഗേറ്റുകൾ നൽകിയിട്ടുണ്ടെന്നും പാസ്‌പോർട്ട് വകുപ്പ് ജീവനക്കാരനുമായി ആശയവിനിമയം നടത്താതെ തന്നെ എല്ലാ യാത്രാ നടപടിക്രമങ്ങളും പൂർത്തിയാക്കാൻ യാത്രക്കാരെ അനുവദിക്കുന്നുണ്ടെന്നും അദ്ദേഹം ചൂണ്ടിക്കാട്ടി.

രാജ്യം വിടുമ്പോൾ ഇലക്‌ട്രോണിക് ഗേറ്റ് ഉപയോഗിക്കുന്ന ഒരാൾ തിരികെ വരുമ്പോൾ അത് തന്നെ ഉപയോഗിക്കണമോ എന്ന ചോദ്യത്തിന്, അവരുടെ സൗകര്യത്തിനനുസരിച്ച് ഇലക്ട്രോണിക് ഗേറ്റുകളോ സാധാരണ കൗണ്ടറുകളോ ഉപയോഗിക്കാമെന്ന് മേജർ അൽ-ബുവൈനൈൻ പറഞ്ഞു.

എല്ലാ നടപടിക്രമങ്ങളും എളുപ്പത്തിൽ പൂർത്തിയാക്കാനും യാത്രാ രേഖകൾ സാധുതയുള്ളതാണോയെന്ന് പരിശോധിക്കാനും ഒരു യാത്രക്കാരന്റെ പാസ്‌പോർട്ട് സാധുത ആറ് മാസത്തിൽ കൂടുതൽ ഉണ്ടെന്ന് ഉറപ്പാക്കാനും മതിയായ സമയത്തിനുള്ളിൽ വിമാനത്താവളത്തിൽ എത്തിച്ചേരേണ്ടതിന്റെ പ്രാധാന്യത്തെക്കുറിച്ച് മേജർ അൽ-ബുവൈനൈൻ യാത്രക്കാരെ ഓർമ്മിപ്പിച്ചു.

🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KNjF4YIFR12BVGJHu9svlJ

Related Articles

Leave a Reply

Your email address will not be published. Required fields are marked *

Back to top button