ദോഹ: നിയമലംഘനങ്ങളെ തുടർന്ന് ദോഹയിലെ രണ്ട് വിശ്രമ കേന്ദ്രങ്ങൾ അടച്ചുപൂട്ടുന്നതായി വാണിജ്യ വ്യവസായ മന്ത്രാലയം (എംഒസിഐ) ട്വിറ്ററിൽ അറിയിച്ചു.
2015 ലെ വാണിജ്യ, വ്യാവസായിക നിയമം നമ്പർ (5) ലംഘിച്ചതിന്, അൽ-സലാത ഏരിയയിലെ “അൽ സൈൻ റിലാക്സേഷൻ സെന്റർ”, ഓൾഡ് അൽ ഹിത്മി ഏരിയയിലെ “വോസ് സ്പാ” എന്നിവ അടച്ചുപൂട്ടാനാണ് മുനിസിപ്പാലിറ്റി മന്ത്രാലയം തീരുമാനിച്ചത്.
പൊതുവായതും നിർദ്ദിഷ്ടവുമായ നിബന്ധനകൾ പാലിക്കാതിരിക്കുകയും, ബന്ധപ്പെട്ട അധികാരികളിൽ നിന്ന് ആവശ്യമായ ലൈസൻസ് നേടാതെ വാണിജ്യ പ്രവർത്തനം നടത്തുകയും ചെയ്തതാണ് ലംഘനം.
