ദോഹ എക്‌സിബിഷൻ ആൻഡ് കൺവെൻഷൻ സെന്ററിൽ നടക്കുന്ന മൂന്നാമത്തെ ഖത്തർ ടോയ് ഫെസ്റ്റിവലിന് നിരവധി സന്ദർശകരെത്തുന്നു. വാരാന്ത്യങ്ങളിലാണ് സന്ദർശകരുടെ എണ്ണം വർധിക്കുന്നത്. ഓഗസ്റ്റ് 4 വരെ നീണ്ടുനിൽക്കുന്ന ഈ പരിപാടി കുടുംബങ്ങൾക്കും കുട്ടികൾക്കും പ്രിയപ്പെട്ട സ്ഥലമായി മാറിയിരിക്കുന്നു. വിനോദം, പഠനം, മറ്റു പ്രവർത്തനങ്ങൾ എന്നിവയെല്ലാം ഇവിടെയുണ്ട്.
ജൂലൈ 6-ന് ആരംഭിച്ച ഫെസ്റ്റിവലിൽ, എല്ലാ പ്രായക്കാർക്കും വേണ്ടിയുള്ള പരിപാടികൾ ഉൾപ്പെടുത്തിയിട്ടുണ്ട്. സന്ദർശകർക്ക് സ്റ്റേജ് ഷോകൾ, സംഗീത പ്രകടനങ്ങൾ, സയൻസ് ഡെമോകൾ എന്നിവ ആസ്വദിക്കാം. പ്രശസ്ത കാർട്ടൂൺ കഥാപാത്രങ്ങളെ കാണാനും രസകരമായ ഫാമിലി ആക്റ്റിവിറ്റിസിൽ പങ്കെടുക്കാനുമുള്ള അവസരങ്ങളും ഇവിടെയുണ്ട്.
4 മുതൽ 12 വയസ്സ് വരെ പ്രായമുള്ള കുട്ടികൾക്കായി ദിവസേനയുള്ള വേനൽക്കാല ക്യാമ്പുകൾ (വെള്ളിയാഴ്ച്ചകൾ ഒഴികെ) ആണ് പ്രധാന ആകർഷണങ്ങളിലൊന്ന്. സയൻസ് സ്ട്രീറ്റും മറ്റുള്ളവരും സംഘടിപ്പിക്കുന്ന ഈ ക്യാമ്പുകളിൽ കുട്ടികളെ പഠിക്കാനും സർഗ്ഗാത്മകരാകാനും സഹായിക്കുന്ന രസകരമായ വർക്ക്‌ഷോപ്പുകൾ ഉൾപ്പെടുന്നു.
ഊരിദൂ സ്പോൺസർ ചെയ്യുന്ന ഈ ഫെസ്റ്റിവലിൽ 40-ലധികം അന്താരാഷ്ട്ര കളിപ്പാട്ട ബ്രാൻഡുകളുണ്ട്. നാളെ (ശനിയാഴ്ച്ച) വൈകുന്നേരം 7 മണിക്ക് വികലാംഗർക്കായി ഒരു പ്രത്യേക പരിപാടിയും സംഘാടകർ ആസൂത്രണം ചെയ്തിട്ടുണ്ട്. ഉത്സവത്തിന്റെ അവസാന ആഴ്ച്ച “ബാക്ക്-ടു-സ്കൂൾ” എന്ന വിഷയത്തിലായിരിക്കും ശ്രദ്ധ കേന്ദ്രീകരിക്കുക.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/JJuKuHKpVnF2oI3YhApCdt?mode=r_t
