ഡിമാൻഡ് വർധിച്ചതും സന്ദർശകരുടെ അഭ്യർത്ഥനയും കാരണം ഖത്തർ ബോട്ട് ഷോ 2024 സംഘാടകർ ചില ദിവസങ്ങളിലെ പ്രദർശന സമയം നീട്ടിയിട്ടുണ്ട്.
ബോട്ട് ഷോ ഇന്ന്, നവംബർ 8ന് ഉച്ചകഴിഞ്ഞ് 3 മുതൽ രാത്രി 10 വരെ തുറന്നിരിക്കും. അവസാന ദിവസമായ ശനിയാഴ്‌ച ഉച്ചകഴിഞ്ഞ് 3 മുതൽ രാത്രി 8 വരെ പ്രവർത്തിച്ച് സമാപന ചടങ്ങോടെ അവസാനിക്കും.
നവംബർ 6-ന് ദോഹ ഓൾഡ് പോർട്ടിൽ വലിയ കരിമരുന്ന് പ്രയോഗം, മ്യൂസിക്ക് ഫൗണ്ടൈൻ, ലൈവ് ബാൻഡ് എന്നിവയോടെയാണ് പരിപാടി ആരംഭിച്ചത്.
സ്റ്റാൻഡ്-അപ്പ് പാഡിൽ ഷോകൾ, ജെറ്റ് സ്‌കീ ഷോകൾ, ഡ്രാഗൺ ബോട്ട് ഷോകൾ, സ്കൈ ഡൈവിംഗ് ഷോകൾ എന്നിവയുൾപ്പെടെ നിരവധി ആവേശകരമായ പ്രകടനങ്ങൾ നാല് ദിവസത്തെ ഷോയിൽ ഉടനീളം ഉണ്ടാകും.
