ഖത്തർ അമീർ ഷെയ്ഖ് തമീം ബിൻ ഹമദ് അൽതാനിയും പിതാവ് മുൻ അമീർ ഹമദ് ബിൻ ഖലീഫ അൽതാനിയും ആഗസ്ത് 2 വെള്ളിയാഴ്ച ദോഹയിലെ ഇമാം മുഹമ്മദ് ബിൻ അബ്ദുൽ വഹാബ് പള്ളിയിൽ ഹമാസ് മേധാവി ഇസ്മായിൽ ഹനിയ്യക്കായി നടന്ന മയ്യത്ത് നമസ്കാരത്തിൽ പങ്കെടുത്തു. പുറത്തു വന്ന ചിത്രങ്ങളിൽ ദുഃഖസൂചനാർത്ഥം ശൈഖ് തമീം ബിൻ ഹമദ് അൽ താനി തൻ്റെ അഗൽ (തലക്കെട്ട്) നീക്കം ചെയ്‌തതായി കാണാം.
ഇന്നലെ ദോഹയിലും ലുസൈലിലും ആയി നടന്ന ചടങ്ങുകളിൽ ആയിരിക്കണക്കിന് ആളുകളാണ് പങ്കെടുത്തത്. 2017 മുതൽ ഖത്തറിൽ താമസിക്കുന്നയാളാണ് കൊല്ലപ്പെട്ട ഹമാസ് മേധാവി.
2024 ജൂലൈ 31 ന് ഇറാനിലെ ടെഹ്‌റാനിൽ വെച്ച് ഹമാസ് തലവൻ ഇസ്മായിൽ ഹനിയയെ ഇസ്രായേൽ മൊസാദ് ഏജൻ്റുമാർ വധിച്ചു.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KzKal0sXKHF3P2dagEwpi5
