ഖത്തർ ബോട്ട് ഷോയുടെ ഉദ്ഘാടന പതിപ്പ് നവംബർ 6 മുതൽ 9 വരെ ഓൾഡ് ദോഹ തുറമുഖത്ത് നടക്കും. ഖത്തറിൻ്റെ സമുദ്ര സംസ്‌കാരത്തിലേക്കുള്ള പുതിയൊരു ചുവടുവെപ്പു കൂടിയാകും ഖത്തർ ബോട്ട് ഷോ 2024.
ഏറെ പ്രതീക്ഷയോടെ ഏവരും കാത്തിരിക്കുന്ന ഈ മറൈൻ ഇവന്റിൽ ആഡംബര സൂപ്പർ യാച്ചുകളുടെയും മറൈൻ വെസലുകളുടെയും പ്രദർശനങ്ങൾ, ഇന്ഡസ്ട്രിയിലെ പുതിയ കണ്ടെത്തലുകൾ, വാട്ടർ സ്‌പോർട്‌സും പ്രവർത്തനങ്ങളും, വിനോദപ്രവർത്തനങ്ങൾ, രുചികരമായ ഡൈനിംഗ് അനുഭവങ്ങൾ എന്നിവയെല്ലാം ഉണ്ടാകും.
ഖത്തർ ബോട്ട് ഷോയിൽ സന്ദർശകർക്ക് വിനോദങ്ങൾക്കും പ്രവർത്തനങ്ങൾക്കുമായി വിവിധ പ്രദേശങ്ങൾ പര്യവേക്ഷണം ചെയ്യാം. ഷോർലൈൻ ഡിസ്പ്ലേയിൽ, സന്ദർശകർക്ക് 350ലധികം മറൈൻ ബ്രാൻഡുകൾ, അൽ ദാർ മറൈൻ, ദോഹ ക്രാഫ്റ്റ് മറൈൻ, ജാസിം അഹമ്മദ് അൽ ലിംഗാവി ട്രേഡിംഗ് എന്നിവയിൽ നിന്നുള്ള ഏറ്റവും പുതിയ ലെഷർ ബോട്ടുകളുടെയും ഓൺ-ഗ്രൗണ്ട് ബോട്ടുകളെയും ലൈനപ്പ് എന്നിവയെല്ലാം കാണാം.
ഓഷ്യാനിക് ഡിസ്പ്ലേയിൽ, അൽദാൻ മറൈൻ, അൽ ഫാജർ മറൈൻ, ഗൾഫ് ക്രാഫ്റ്റ്, പ്രിൻസസ് യാച്ച്‌സ്, സാൻലോറെൻസോ യാച്ച്‌സ്, സൺസീക്കർ, ക്രാഞ്ചി, സിറീന യാച്ചുകൾ എന്നിവിടങ്ങളിൽ നിന്നുള്ള നൂതന യാച്ചുകളും സന്ദർശകർക്ക് കാണാൻ കഴിയും. ബെനെറ്റി, ഫെഡ്‌ഷിപ്പ്, ഓഷ്യൻകോ, ടാർക്കോയ്‌സ് യാച്ചുകൾ എന്നിവയുൾപ്പെടെ പ്രമുഖ യാച്ചിംഗ് ലൈഫ്‌സ്‌റ്റൈൽ ബ്രാൻഡുകളും ഖത്തർ ബോട്ട് ഷോയിൽ അവതരിപ്പിക്കും.
വാട്ടർ സ്‌പോർട്‌സിനും മത്സ്യബന്ധന ഉപകരണങ്ങൾക്കുമായി 100-ലധികം ബ്രാൻഡുകളുണ്ടാകും. വാട്ടർസ്‌പോർട്‌സ് ഏരിയയിൽ ലൈവ് ഷോകളും ആളുകൾക്ക് ആസ്വദിക്കാം. സ്റ്റാൻഡ്-അപ്പ് പാഡലിംഗ് മുതൽ കയാക്കിംഗ്, കനോയിംഗ്, ജെറ്റ് സ്‌കീയിങ്, പാഡിൽ ബോർഡിംഗ് എന്നിങ്ങനെ ആവേശകരമായ വാട്ടർസ്‌പോർട് സാഹസികതകളും ഷോകളും ഇതിന്റെ ഭാഗമായി നടക്കും.
സന്ദർശകർക്ക് ഡൈനാമിക് ഖത്തർ ബോട്ട് ഷോ മത്സരങ്ങൾ, ഡാൻസിംഗ് ഫൗണ്ടൈൻ, ലൈവ് മ്യൂസിക്ക് ഷോസ് എന്നിവ കാണാനും ആവേശകരമായ കാർ പരേഡ്, കുതിരസവാരി, ഡ്രാഗൺ ബോട്ട് ഷോ, രാത്രിയിലെ വെടിക്കെട്ട് എന്നിവ ആസ്വദിക്കാനും അവസരമുണ്ട്.
