കർവ ഇലക്ട്രിക് റോബോടാക്സിസ് സർവീസ് ആരംഭിക്കാനൊരുങ്ങി ഗതാഗത മന്ത്രാലയം (MoT). ഇത് ദോഹയെ ഈ അത്യാധുനിക സാങ്കേതികവിദ്യ അവതരിപ്പിക്കുന്ന മേഖലയിലെ ആദ്യത്തെ നഗരങ്ങളിലൊന്നാക്കി മാറ്റുന്നു.
ഖത്തറിന്റെ ദേശീയ ദർശനം 2030 അനുസരിച്ച്, ഖത്തറിന്റെ ലോകോത്തര അടിസ്ഥാന സൗകര്യങ്ങളുടെയും 5G ഡിജിറ്റൽ കവറേജിന്റെയും പ്രയോജനം നേടിക്കൊണ്ട് ഓട്ടോണോമസ് വാഹന പൈലറ്റ് പ്രോഗ്രാം ആരംഭിച്ച മേഖലയിലെ ആദ്യത്തെ തലസ്ഥാനങ്ങളിലൊന്നായി ദോഹ മാറുന്നുവെന്ന് ഗവണ്മെന്റ് കമ്യൂണിക്കേഷൻസ് ഓഫീസ് (GCO) പറഞ്ഞു.
ഈ വർഷം, ഖത്തറിലെ പ്രത്യേക മേഖലകളിൽ, പ്രധാനമായും ടൂറിസ്റ്റ്, സർവീസ് റൂട്ടുകളിൽ, ലെവൽ-4 ഇലക്ട്രിക് റോബോടാക്സികളുടെ ഒരു പരീക്ഷണ ഓട്ടത്തിന് മേൽനോട്ടം വഹിക്കാൻ രാജ്യം ഒരുങ്ങുന്നതായി ഗതാഗത മന്ത്രാലയം പ്രഖ്യാപിച്ചു. നിർദ്ദിഷ്ട റൂട്ടുകൾ സ്കാൻ ചെയ്യുന്നതിനും തയ്യാറാക്കുന്നതിനുമായി വരും കാലയളവിൽ കർവ ഗതാഗത മന്ത്രാലയവുമായി (MoT) ചേർന്ന് പ്രവർത്തിക്കും.
ഇലക്ട്രിക് റോബോടാക്സിസിന്റെ പരീക്ഷണ ഓട്ടം രണ്ട് ഘട്ടങ്ങളിലായാണ് നടത്തുകയെന്ന് മന്ത്രാലയം സൂചിപ്പിച്ചു. ആദ്യ ഘട്ടം ഒരു പ്രത്യേക സംഘത്തിന്റെ മേൽനോട്ടത്തിൽ നടത്തപ്പെടും. അതിൽ യാത്രക്കാരില്ല. രണ്ടാം ഘട്ടം പൂർണ്ണമായും സ്വയംഭരണാധികാരമുള്ളതായിരിക്കും, യാത്രക്കാരും ഉണ്ടാകും.
പരീക്ഷണങ്ങളിൽ ഉപയോഗിക്കുന്ന ഓരോ സ്വയംഭരണ ടാക്സിയിലും ആറ് ദീർഘദൂര, മധ്യദൂര ക്യാമറകൾ, നാല് റഡാറുകൾ, നാല് ലിഡാർ യൂണിറ്റുകൾ എന്നിവ സജ്ജീകരിച്ചിരിക്കുന്നു, ഇത് പ്രവർത്തന സമയത്ത് കൃത്യമായ കാഴ്ചയും നാവിഗേഷൻ നിയന്ത്രണവും നൽകും.
