ഖത്തറിലെ ലോക്കൽ ഇ-കൊമേഴ്‌സ് കമ്പനിയായ സ്നൂനുവിന്റെ 5 മാസം നീണ്ടു നിന്ന “മില്യൺസ് അവെയ്റ്റ്” കാമ്പെയ്‌ന് സമാപനം. ഒക്ടോബർ 15 ന് നടന്ന അവസാന നറുക്കെടുപ്പോടെയാണ് ക്യാമ്പയിന് ഔദ്യോഗിക സമാപനമായത്.
2025 മെയ് 5 ന് ആരംഭിച്ചതിനുശേഷം, “മില്യൺസ് അവെയ്റ്റ്” ഖത്തറിലുടനീളമുള്ള സ്നൂനുവിന്റെ ഉപയോക്താക്കളുടെ ഹൃദയങ്ങൾ കീഴടക്കി. ഖത്തറിലെ ഏറ്റവും വലിയ ക്യാഷ് ഗിവ് എവേ ആയി മാറിയ പരിപാടി മൊത്തം 5 മില്യൺ റിയാലിന്റെ സമ്മാനങ്ങൾ നൽകി. കാമ്പെയ്‌ൻ വെറുമൊരു പ്രമോഷൻ എന്നതിലുപരിയായി സമൂഹത്തിന്റെയും കൃതജ്ഞതയുടെയും ബന്ധത്തിന്റെയും ആഘോഷമായി മാറി.
ബുധനാഴ്ച വൈകുന്നേരം 6:30 ന് ആരംഭിച്ച ഗ്രാൻഡ് ഫിനാലെ രാത്രി പ്ലേസ് വെൻഡോമിനെ ആവേശത്തിന്റെ കേന്ദ്രമാക്കി മാറ്റി. ഫോട്ടോബൂത്ത് സ്റ്റേഷനുകൾ, ഗ്രാബ് ഇറ്റ് & ഹാവ് ഇറ്റ് ഗെയിമുകൾ, ഡിജെകൾ, മണി മാൻ, സ്റ്റിൽറ്റ് വാക്കേഴ്‌സ്, പരേഡ് ബാൻഡുകൾ, ടിവി-ഹെഡ് പെർഫോമർമാർ എന്നിവയുൾപ്പെടെ ആകർഷകമായ ഓൺ-ഗ്രൗണ്ട് ആക്ടിവേഷനുകൾ ഉപയോഗിച്ച് അതിഥികളെ സ്വാഗതം ചെയ്തു. എല്ലാവരും കാത്തിരുന്ന നിമിഷത്തിന് സാക്ഷ്യം വഹിക്കാൻ മാധ്യമ പ്രതിനിധികൾ, ഇന്ഫ്ലുവൻസർമാർ, സ്നൂനു ഉപഭോക്താക്കൾ എന്നിവർ ഉൾപ്പെടെ വൻ ജനാവലി സാന്നിഹിതമായി.
