BusinessQatar

ലോകകപ്പ് തീർന്നു; അടുത്ത വർഷത്തേക്ക് ബജറ്റ് പ്രഖ്യാപിച്ച് അമീർ; വരുമാനത്തിൽ 16.3% വർധന പ്രതീക്ഷ

2023 സാമ്പത്തിക വർഷത്തേക്കുള്ള ബജറ്റിന് ഖത്തർ അമീർ ഷെയ്ഖ് തമീം ഹമദ് അൽ താനി തിങ്കളാഴ്ച അംഗീകാരം നൽകി. 2022ലെ ബജറ്റ് എസ്റ്റിമേറ്റുമായി താരതമ്യപ്പെടുത്തുമ്പോൾ 16.3 ശതമാനം വരുമാന വർധനവാണ് (228 ബില്യൺ റിയാൽ) 2023 സാമ്പത്തിക വർഷത്തിലെ മൊത്തം വരുമാന എസ്റ്റിമേറ്റിലെന്ന് ധനകാര്യ മന്ത്രി അലി ബിൻ അഹമ്മദ് അൽ കുവാരി പറഞ്ഞു.

2023 ലെ ചെലവ് 199 ബില്യൺ റിയാലിലെത്തും, ബജറ്റ് മിച്ചം 29 ബില്യൺ റിയാലാണ്.

ഉയർന്ന ശരാശരി എണ്ണവില സ്വീകരിച്ചതിന്റെ അടിസ്ഥാനത്തിൽ, 2023 ലെ മൊത്തം എണ്ണ, വാതക വരുമാനത്തിന്റെ എസ്റ്റിമേറ്റ് 186 ബില്യൺ റിയാലാണ്. 2022 ലെ 154 ബില്യൺ റിയാലുമായി താരതമ്യം ചെയ്യുമ്പോൾ 20.8 ശതമാനം വർധനവ് ഉണ്ടായതായി മന്ത്രി പറഞ്ഞു.

2022 ലെ ഒരു ബാരലിന് 55 ഡോളർ എന്ന അനുമാനവുമായി താരതമ്യപ്പെടുത്തുമ്പോൾ, 2023 ലെ ബജറ്റ് എണ്ണ വില ബാരലിന് 65 ഡോളർ എന്ന അനുമാനത്തെ അടിസ്ഥാനമാക്കിയുള്ളതാണ്.

2022 ലെ ബജറ്റ് 42 ബില്യൺ റിയാലുമായി താരതമ്യപ്പെടുത്തുമ്പോൾ 2023 ലെ എണ്ണ ഇതര വരുമാനത്തിന്റെ എസ്റ്റിമേറ്റ് സ്ഥിരമായി നിലനിർത്തിയിട്ടുണ്ടെന്നും അദ്ദേഹം കൂട്ടിച്ചേർത്തു.

2023 സാമ്പത്തിക വർഷത്തെ ബജറ്റിലെ ചെലവുകളെ സംബന്ധിച്ച്, ലോകകപ്പിന് ആതിഥേയത്വം വഹിക്കുന്നതുമായി ബന്ധപ്പെട്ട മിക്ക പദ്ധതികളും പൂർത്തീകരിക്കുന്നതിനാൽ ചെലവ് 2022 മുതൽ 2.6 ശതമാനം കുറയുകയും 199 ബില്യൺ റിയാലിലെത്തുമെന്നും മന്ത്രി പറഞ്ഞു.

2023 ലെ ബജറ്റിലെ ശമ്പളത്തിനും വേതനത്തിനുമുള്ള വിഹിതം 2022 ൽ നിന്ന് 4 ബില്യൺ ക്യുആർ വർധിച്ച് 62.5 ബില്യൺ റിയാലിലെത്തി. ഇത് 6.3 ശതമാനം വർധനവാണ്.

2023-ലെ പ്രധാന പദ്ധതികൾക്കുള്ള വിഹിതം 2022-നെ അപേക്ഷിച്ച് 13.6 ശതമാനം കുറഞ്ഞ് 63.9 ബില്യൺ റിയാലിലെത്തി. നിലവിലെ ചെലവ് വിഭാഗത്തിനായുള്ള വിഹിതം QR 67.2 ൽ നിന്ന് QR 67.5 ബില്യൺ ആയി വർധിച്ചു. ദ്വിതീയ മൂലധന ചെലവുകൾ QR4.6 ബില്യണിൽ നിന്ന് QR 5.1 ബില്യൺ ആയി വർദ്ധിക്കും.

2022 ഫുട്ബോൾ ലോകകപ്പിന് ആതിഥേയത്വം വഹിച്ച ഖത്തർ മൂന്നാം പാദത്തിൽ 30 ബില്യൺ QR മിച്ചം രേഖപ്പെടുത്തി. ഉയർന്ന ആഗോള ഊർജ വിലയാണ് ഇതിന് കാരണമായത്.

2023 ലെ മൊത്തം ബജറ്റ് ചെലവ് 2022 നെ അപേക്ഷിച്ച് ഏകദേശം 3 ശതമാനം കുറവാണ്. കാരണം ലോകകപ്പുമായി ബന്ധപ്പെട്ട ചെലവുകൾ പൂർത്തിയായപ്പോൾ പ്രധാന പദ്ധതികൾക്കുള്ള വിഹിതം 13.6 ശതമാനം കുറഞ്ഞ് QR63.9 ബില്യണായി.

🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/C5SlZkH4ATOIBY0CThW5zB

Related Articles

Leave a Reply

Your email address will not be published. Required fields are marked *

Back to top button