ദോഹ: ഖത്തർ ജനറൽ ഡയറക്ടറേറ്റ് ഓഫ് കോസ്റ്റ്സ് ആൻഡ് ബോർഡർ സെക്യൂരിറ്റി പിടിച്ചെടുത്തതോ ഉപേക്ഷിക്കപ്പെട്ടതോ ആയ ബോട്ടുകൾ ‘സൂം’ (Sooum) മൊബൈൽ ആപ്ലിക്കേഷൻ വഴി ലേലം ചെയ്യുന്നു. ലേലത്തിൽ പങ്കെടുക്കാൻ താല്പര്യമുള്ളവർക്ക് ഓൺലൈനായി ബിഡ്ഡുകൾ സമർപ്പിക്കാവുന്നതാണ്.
ലേലത്തിന്റെ സമയക്രമം:
- ലേലം ആരംഭിക്കുന്നത്: 2026 ഫെബ്രുവരി 17, രാവിലെ 7:00 മണിക്ക്.
- ലേലം അവസാനിക്കുന്നത്: 2026 ഫെബ്രുവരി 19, രാവിലെ 7:00 മണിക്ക്.
നേരിട്ടുള്ള പരിശോധന:
ലേലത്തിൽ വെച്ചിരിക്കുന്ന ബോട്ടുകൾ നേരിട്ട് കണ്ട് ബോധ്യപ്പെടാൻ ആഗ്രഹിക്കുന്നവർക്ക് ഫെബ്രുവരി 16-ന് രാവിലെ 7:00 മുതൽ ഉച്ചയ്ക്ക് 12:00 വരെ അൽ ദായീൻ ബേസിലുള്ള (Al Da’ayeen Base) കോസ്റ്റ്സ് ആൻഡ് ബോർഡർ സെക്യൂരിറ്റി ആസ്ഥാനത്ത് സൗകര്യമുണ്ടായിരിക്കും. ഇതിനുപുറമെ സൂം ആപ്പിലൂടെയും ബോട്ടുകളുടെ ചിത്രങ്ങളും വിവരങ്ങളും കാണാൻ സാധിക്കും.
പങ്കെടുക്കേണ്ട വിധം:
- ’Sooum’ ആപ്പ് തുറന്ന് ഹോം സ്ക്രീനിലെ ‘Boats’ എന്ന വിഭാഗം തിരഞ്ഞെടുക്കുക.
- ലേലത്തിന് വെച്ചിരിക്കുന്ന ബോട്ടുകളിൽ നിന്ന് താല്പര്യമുള്ളവ തിരഞ്ഞെടുക്കുക.
- നിശ്ചിത സെക്യൂരിറ്റി ഡിപ്പോസിറ്റ് തുക (Deposit Amount) അടയ്ക്കുക.
- അതിനുശേഷം നിങ്ങളുടെ ബിഡ് തുക രേഖപ്പെടുത്തി കൺഫേം ചെയ്യുക.
ഖത്തർ ആഭ്യന്തര മന്ത്രാലയത്തിന്റെ ലേല നടപടികൾ കൂടുതൽ സുതാര്യമാക്കുന്നതിന്റെ ഭാഗമായാണ് ഡിജിറ്റൽ പ്ലാറ്റ്ഫോം വഴി ലേലം സംഘടിപ്പിക്കുന്നത്.
