മീഡിയ സിറ്റി ഖത്തറും യൂറോപ്പിലെ പ്രമുഖ വാർത്താ ഏജൻസിയായ യൂറോന്യൂസും ചേർന്ന് ദോഹയിൽ നിർമ്മിക്കുന്ന നാല് പുതിയ ഒറിജിനൽ പ്രോഗ്രാമുകൾ ആരംഭിക്കുന്നതായി പ്രഖ്യാപിച്ചു. മീഡിയ സിറ്റി ഖത്തർ ഇതിന് നേതൃത്വം നൽകുന്നു.
2021 ലെ പങ്കാളിത്തത്തിൽ നിന്ന് ഉരുത്തിരിഞ്ഞ ഈ പ്രൊഡക്ഷനുകൾ, ലോകോത്തര കൊണ്ടന്റ് ക്രിയേഷനുള്ള ഒരു കേന്ദ്രമായി ഖത്തറിനെ മാറ്റുന്നതിലും, രാജ്യത്തെയും വിശാലമായ മേഖലയെയും കുറിച്ചുള്ള യൂറോന്യൂസിന്റെ കവറേജ് വികസിപ്പിക്കുന്നതിലും പുതിയ ചുവടുവയ്പ്പാണ് കുറിക്കുന്നത്.
നാല് ഒറിജിനൽ പ്രോഗ്രാമുകളുടെ നിരയിൽ പ്രധാനവാർത്തകൾക്കപ്പുറം രാജ്യത്തെ ആളുകളെയും പുരോഗതിയെയും ഉയർത്തിക്കാട്ടുന്ന ഖത്തർ ഇൻ മോഷൻ; ബക്കറ്റ്-ലിസ്റ്റ് ലക്ഷ്യസ്ഥാനങ്ങളെ സംയോജിപ്പിക്കുന്ന ഒരു യാത്രാ പരമ്പരയായ ഗ്രാൻഡ് വോയേജർ; കല, സംഗീതം, ഫാഷൻ, വിനോദം എന്നിവ ഫീച്ചർ ചെയ്യുന്ന കൾട്ട്; ഖത്തറിലെ ബിസിനസുകളെയും അവയുടെ ആഗോള ബന്ധങ്ങളെയും കുറിച്ചുള്ള ആഴത്തിലുള്ള റിപ്പോർട്ടിംഗ് വാഗ്ദാനം ചെയ്യുന്ന ഫോക്കസ് എന്നിവ ഉൾപ്പെടുന്നു.
