ലൈസൻസില്ലാത്ത നഴ്സിങ് ജീവനക്കാരെ നിയമിച്ചതിനെ തുടർന്ന് സ്വകാര്യ മേഖലയിലെ ഒരു ജനറൽ മെഡിക്കൽ കോംപ്ലക്സ് പൊതുജനാരോഗ്യ മന്ത്രാലയം (MoPH) താൽക്കാലികമായി അടച്ചു.
പബ്ലിക് ഹെൽത്ത് മന്ത്രാലയത്തിലെ ഹെൽത്ത് കെയർ പ്രൊഫഷനിലെ സ്പെഷ്യലിസ്റ്റുകൾ നടത്തിയ പരിശോധനയിൽ രണ്ട് നഴ്സുമാർ പ്രൊഫഷണൽ ലൈസൻസില്ലാതെയാണ് കോംപ്ലക്സിൽ പ്രാക്ടീസ് ചെയ്യുന്നതെന്ന് കണ്ടെത്തി. രാജ്യത്തെ നഴ്സിംഗ്, ഹെൽത്ത് കെയർ സ്ഥാപനങ്ങളെ നിയന്ത്രിക്കുന്ന നിയമങ്ങളുടെ മറ്റ് ലംഘനങ്ങളും പരിശോധനയിൽ കണ്ടെത്തി.
സ്ഥാപനത്തിനും നിയമലംഘനം കണ്ടെത്തിയ പ്രാക്ടീഷണർമാർക്കും എതിരെ ബന്ധപ്പെട്ട അധികാരികളുമായി ഏകോപിപ്പിച്ച് ആവശ്യമായ എല്ലാ നിയമ നടപടികളും സ്വീകരിക്കാനുള്ള ശ്രമങ്ങൾ ആരംഭിച്ചു.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KzKal0sXKHF3P2dagEwpi5
