മന്ത്രാലയങ്ങൾ, സർക്കാർ ഏജൻസികൾ, പൊതു സ്ഥാപനങ്ങൾ എന്നിവയ്ക്കുള്ള റമദാൻ മാസ പ്രവൃത്തി സമയം സർക്കാർ പ്രഖ്യാപിച്ചു. സിവിൽ സർവീസ് ഉദ്യോഗസ്ഥർക്ക് റമദാനിലെ ഔദ്യോഗിക ജോലി സമയം രാവിലെ ഒമ്പത് മുതൽ ഉച്ചയ്ക്ക് രണ്ട് വരെ ദിവസത്തിൽ അഞ്ച് മണിക്കൂറായിരിക്കുമെന്ന് സർക്കുലർ അറിയിച്ചു.
ഔദ്യോഗിക പ്രവൃത്തി സമയം പൂർത്തിയാക്കുകയും ജോലി ആവശ്യകതകൾ നിറവേറ്റുകയും ചെയ്താൽ, രാവിലെ പത്ത് മണിക്ക് ശേഷം വൈകി ഹാജരാകാൻ ജീവനക്കാരെ അനുവദിക്കാം.
മൊത്തം ജീവനക്കാരുടെ 30 ശതമാനത്തിൽ കവിയാത്ത അത്രയും പേർക്ക് വിദൂരമായി തങ്ങളുടെ ജോലി നിർവഹിക്കാൻ അനുവദിക്കുന്ന റിമോട്ട് വർക്ക് സംവിധാനം വിശുദ്ധ മാസത്തിൽ നടപ്പാക്കും. ഇതിൽ അമ്മമാർക്കും ഭിന്നശേഷിയുള്ളവർക്കും മുൻഗണന നൽകും.
ആരോഗ്യ-വിദ്യാഭ്യാസ മേഖലകൾക്കായി, പൊതുജനാരോഗ്യ മന്ത്രാലയവും വിദ്യാഭ്യാസ-ഉന്നത വിദ്യാഭ്യാസ മന്ത്രാലയവും, ഓരോന്നിനും അതിൻ്റെ അധികാരപരിധിക്കുള്ളിൽ, ജോലിയുടെ സ്വഭാവത്തിന് അനുസൃതമായി ഔദ്യോഗിക പ്രവൃത്തി സമയവും തീയതിയും നിശ്ചയിക്കുമെന്നും സർക്കുലർ വ്യക്തമാക്കി.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/LjkReT1nBRMHQM9PxaMBOD
