ഖത്തർ ഫുട്‌ബോൾ അസോസിയേഷൻ (ക്യുഎഫ്‌എ) അവരുടെ FIFA ലോകകപ്പ് ഖത്തർ 2022 അരങ്ങേറ്റത്തിന്റെ ഭാഗമായി ദേശീയ ടീമിനെ പിന്തുണയ്ക്കുന്നതിനുള്ള പ്രമോഷണൽ കാമ്പെയ്‌ൻ ആരംഭിച്ചു. പ്രമോഷന്റെ പ്രാഥമിക ഘട്ടത്തിൽ ക്യൂഎഫ്എ ഖത്തറിലെ സ്കൂളുകൾ സന്ദർശിക്കും.
“ഇൻ ലൗ വിത്ത് ഖത്തർ”, “അൽ അന്നാബി ഈസ് സ്ട്രോംഗർ ഇൻ യുവർ എൻകറേജ്മെന്റ്” എന്നീ മുദ്രാവാക്യങ്ങൾക്ക് കീഴിൽ പ്രവർത്തിക്കുന്ന ക്യുഎഫ്‌എ പ്രതിനിധികൾ നിരവധി ഖത്തറി സ്കൂളുകൾ സന്ദർശിക്കാൻ പദ്ധതിയിട്ടിട്ടുണ്ട്.
താരിഖ് ബിൻ സിയാദ് സ്കൂളുകൾ, അൽ-ബയാൻ അൽ-ഔല എലിമെന്ററി സ്കൂൾ ഫോർ ഗേൾസ്, സക്രിത്. പെൺകുട്ടികൾക്കുള്ള പ്രൈമറി സ്കൂൾ, അബു ഹനീഫ മോഡൽ ഫോർ ബോയ്സ്, സാദ് ബിൻ മുആദ് എലിമെന്ററി ഫോർ ബോയ്സ്, അൽ മനാർ മോഡൽ ഫോർ ബോയ്സ്, ഒത്മാൻ ബിൻ അഫാൻ മോഡൽ, അൽ ഖോർ മോഡൽ, അൽ ഖോർ പ്രൈമറി ഫോർ ഗേൾസ് തുടങ്ങിയവ അതിൽ ഉൾപ്പെടുന്നു.
എല്ലാ ആഴ്‌ചയും രണ്ട് സ്കൂളുകൾ സന്ദർശിക്കാൻ ഉദ്ദേശിക്കുന്ന കാമ്പയിൻ, സ്‌കൂളുകളുമായി ആശയവിനിമയം നടത്തുക, ഫെഡറേഷനും വിദ്യാഭ്യാസ സ്ഥാപനങ്ങളും തമ്മിലുള്ള സഹകരണം വർധിപ്പിക്കുക, 2022ലെ ഫിഫ ലോകകപ്പ് ദേശീയ ടീം മത്സരങ്ങളിൽ പങ്കെടുക്കാൻ സ്കൂൾ വിദ്യാർത്ഥികളെ ക്ഷണിക്കുക എന്നിവയാണ് ലക്ഷ്യമിടുന്നത്.
