ലാഭത്തിൽ 28 ശതമാനം വർദ്ധനവ്, 2024-25 സാമ്പത്തിക വർഷത്തിൽ 7.85 ബില്യൺ റിയാൽ അറ്റാദായം നേടി ഖത്തർ എയർവേയ്‌സ്
2024/25 സാമ്പത്തിക വർഷത്തിൽ ഖത്തർ എയർവേയ്‌സ് ഗ്രൂപ്പ് 7.85 ബില്യൺ റിയാൽ (2.15 ബില്യൺ ഡോളർ) അറ്റാദായം നേടിയതായി കമ്പനി പ്രഖ്യാപിച്ചു. കഴിഞ്ഞ വർഷത്തെ ലാഭത്തേക്കാൾ 1.7 ബില്യൺ റിയാൽ (0.5 ബില്യൺ ഡോളർ) കൂടുതലാണ് ഇത്തവണത്തേത്.
എയർലൈനിന്റെ ഏറ്റവും പുതിയ വാർഷിക റിപ്പോർട്ടിലാണ് ഇക്കാര്യം പങ്കുവെച്ചിരിക്കുന്നത്. ഖത്തർ എയർവേയ്‌സ് കാർഗോ, ഖത്തർ എയർക്രാഫ്റ്റ് കാറ്ററിംഗ് കമ്പനി, ഖത്തർ ഡ്യൂട്ടി ഫ്രീ എന്നിവയുൾപ്പെടെ ബിസിനസിന്റെ എല്ലാ പ്രധാന ഭാഗങ്ങളും മികച്ച പ്രകടനമാണ് ഇത്തവണ നടന്നിരിക്കുന്നത്.
ഖത്തർ എയർവേയ്‌സ് കാർഗോയ്ക്ക് മികച്ച വർഷമായിരുന്നു, വരുമാനത്തിൽ 17% വർധനവുണ്ടായി. കോവിഡ്-19 കാലഘട്ടത്തിനു ശേഷമുള്ള ഏറ്റവും മികച്ച പ്രകടനമാണിത്. വിപണിയിലെ മാറ്റങ്ങളോടുള്ള ദ്രുതഗതിയിലുള്ള പ്രതികരണം, ഡിജിറ്റൽ ഉപകരണങ്ങളുടെ സമർത്ഥമായ ഉപയോഗം, മികച്ച ഡാറ്റ വിശകലനം, വിശ്വസനീയമായ സേവനം എന്നിവയാണ് വിജയത്തിന് കാരണം.
2024/25 ലെ മറ്റ് പ്രധാന നേട്ടങ്ങളിൽ കഴിഞ്ഞ വർഷത്തെ അപേക്ഷിച്ച് ലാഭത്തിൽ നിന്നും 28% വർധനവ്, പ്രതിവർഷം 65 ദശലക്ഷം യാത്രക്കാരെ കൈകാര്യം ചെയ്യാൻ കഴിയുന്ന തരത്തിൽ ഹമദ് അന്താരാഷ്ട്ര വിമാനത്താവളത്തിന്റെ വികസനം എന്നിവയും ഉൾപ്പെടുന്നു.
ബോയിംഗ് 777 വിമാനങ്ങളിൽ സ്റ്റാർലിങ്ക് ഹൈ സ്‌പീഡ്‌ വൈഫൈ സ്ഥാപിച്ച ആദ്യത്തെ ഗ്ലോബൽ എയർലൈനും – മിഡിൽ ഈസ്റ്റിലെയും വടക്കേ ആഫ്രിക്കയിലെയും ആദ്യത്തേതും – ഖത്തർ എയർവേയ്‌സ് ആയി.
വിർജിൻ ഓസ്‌ട്രേലിയയിൽ 25% ഓഹരികളും ദക്ഷിണാഫ്രിക്കയിലെ മുൻനിര പ്രാദേശിക എയർലൈനായ എയർലിങ്കിൽ 25% ഓഹരികളും ഗ്രൂപ്പ് വാങ്ങി. ലോകത്തിലെ ആദ്യത്തെ AI- പവർഡ് ഡിജിറ്റൽ ക്യാബിൻ ക്രൂ ആയ “സാമ” യും അവർ അവതരിപ്പിച്ചു.
ദീർഘകാല വളർച്ചയെ പിന്തുണയ്ക്കുന്നതിനും ഖത്തറിന്റെ നാഷണൽ വിഷൻ 2030-ന്റെ ലക്ഷ്യങ്ങൾ കൈവരിക്കുന്നതിനും നിരവധി സാങ്കേതിക കരാറുകളിൽ ഒപ്പുവച്ചതായി ഗ്രൂപ്പ് സിഇഒ ബദർ മുഹമ്മദ് അൽ മീർ പരാമർശിച്ചു.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/D4WDfhjld0jFXSYHVlwyf2
