ഹൈസ്കൂൾ വിദ്യാർത്ഥികൾ ഒന്നാം സെമസ്റ്ററിൽ മികച്ച ഫലങ്ങൾ നേടി, അഭിനന്ദനവുമായി വിദ്യാഭ്യാസമന്ത്രാലയം
2024-2025 ലെ ഒന്നാം സെമസ്റ്റർ ജനറൽ സെക്കൻഡറി സർട്ടിഫിക്കറ്റിൻ്റെ ഫലങ്ങൾ വിദ്യാഭ്യാസ മന്ത്രാലയം പ്രഖ്യാപിച്ചു. ഫലങ്ങൾ ശ്രദ്ധേയമായിരുന്നുവെന്ന് മന്ത്രാലയം പറഞ്ഞു. നിരവധി വിദ്യാർത്ഥികൾ എല്ലാ വിഷയങ്ങളിലും മുഴുവൻ മാർക്കും നേടി, മറ്റുള്ളവർ വ്യക്തിഗത വിഷയങ്ങളിൽ മുഴുവൻ മാർക്ക് നേടി.
ഇവാലുവേഷൻ അഫയേഴ്സ് അസിസ്റ്റൻ്റ് അണ്ടർസെക്രട്ടറി ഖാലിദ് അബ്ദുല്ല അൽ-ഹർഖാൻ, വിദ്യാർത്ഥികളുടെയും അധ്യാപക ജീവനക്കാരുടെയും കഠിനാധ്വാനത്തെ പ്രശംസിച്ചു, വിദ്യാർത്ഥികളുടെ വിജയത്തിന് അവർ നൽകിയ നല്ല സംഭാവനകളെക്കുറിച്ച് അദ്ദേഹം എടുത്തു പറഞ്ഞു.
മികച്ച വിജയം നേടിയ വിദ്യാർത്ഥികളെയും അവരുടെ കുടുംബാംഗങ്ങളെയും സ്റ്റുഡൻ്റ് ഇവാലുവേഷൻ ഡിപ്പാർട്ട്മെൻ്റ് ഡയറക്ടർ ഇബ്രാഹിം അബ്ദുല്ല അൽ മുഹന്നദി അനുമോദിച്ചു. പ്രതീക്ഷക്കൊത്ത പ്രകടനം നടത്താൻ കഴിയാതിരുന്ന വിദ്യാർത്ഥികളെയും അദ്ദേഹം പ്രോത്സാഹിപ്പിച്ചു. അവരുടെ ഗ്രേഡുകൾ മൊത്തം സ്കോറിൻ്റെ 60% വരുമെന്നും രണ്ടാം സെമസ്റ്ററിൽ അവർക്ക് ഇനിയും മെച്ചപ്പെടാനുള്ള അവസരമുണ്ടെന്നും അദ്ദേഹം ഓർമ്മിപ്പിച്ചു.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/G86AqcQXEij7Ed3MEgfRmp
