നിലവിലെ ആഗോള സുരക്ഷാ വെല്ലുവിളികൾ കണക്കിലെടുക്കുമ്പോൾ, മിഡിൽ ഈസ്റ്റിൽ ആണവായുധ രഹിത മേഖല സ്ഥാപിക്കേണ്ടത് മുമ്പെന്നത്തേക്കാളും അടിയന്തിരമാണെന്ന് ഖത്തർ ഭരണകൂടം ആവർത്തിച്ചു.
ന്യൂയോർക്കിലെ യുഎൻ ആസ്ഥാനത്ത് ആണവായുധങ്ങളെക്കുറിച്ചുള്ള ഫസ്റ്റ് കമ്മിറ്റിയുടെ ചർച്ചകൾക്കിടെ ഐക്യരാഷ്ട്രസഭയുടെ 80-ാമത് ജനറൽ അസംബ്ലിയിലെ ഖത്തർ പ്രതിനിധി സംഘത്തിലെ അംഗം ഖാലിദ് ഇബ്രാഹിം അൽ മൻസൂരി നടത്തിയ പ്രസ്താവനയിൽ ഖത്തർ ആണവ വിരുദ്ധ നിലപാട് സ്ഥിരീകരിച്ചു.
ആണവായുധങ്ങളുടെ വ്യാപനം അന്താരാഷ്ട്ര സമൂഹത്തിന് കനത്ത ആശങ്കയായി തുടരുന്നുവെന്ന് അൽ മൻസൂരി വ്യക്തമാക്കി.
ആണവായുധങ്ങളുടെ തുടർച്ചയായ വികസനവും ആധുനികവൽക്കരണവും അവ ഉപയോഗിക്കാനുള്ള ഭീഷണികളും ആഗോള പിരിമുറുക്കങ്ങൾ കൂടുതൽ വർദ്ധിപ്പിക്കുകയും പ്രാദേശികവും അന്തർദേശീയവുമായ സമാധാനത്തെയും സുരക്ഷയെയും ദുർബലപ്പെടുത്തുകയും ചെയ്യുമെന്ന് അദ്ദേഹം മുന്നറിയിപ്പ് നൽകി.
