ഖത്തറിൽ പ്രാദേശിക ഉൽപ്പന്ന വിപണികൾ സജീവമാകുന്നു; അൽ മസ്രുവ യാർഡ് ഇനി എല്ലാ ദിവസവും പ്രവർത്തിക്കും

​ദോഹ: ഖത്തറിലെ കാർഷിക മേഖലയ്ക്ക് പുത്തൻ ഉന്മേഷം പകർന്ന് രാജ്യത്തെ പ്രാദേശിക കാർഷിക ഉൽപ്പന്ന വിപണികൾ (യാർഡുകൾ) പുനരാരംഭിച്ചതായി നഗരസഭാ മന്ത്രാലയം അറിയിച്ചു. ശൈത്യകാലം ആരംഭിച്ചതോടെ പ്രാദേശിക കർഷകർക്ക് തങ്ങളുടെ വിളവുകൾ നേരിട്ട് വിപണിയിലെത്തിക്കാൻ ഇതിലൂടെ സാധിക്കും.

​വിവിധ സ്ഥലങ്ങളിലെ വിപണികൾക്കായി പ്രത്യേക സമയക്രമമാണ് മന്ത്രാലയം നിശ്ചയിച്ചിരിക്കുന്നത്. ഉം സലാൽ സെൻട്രൽ മാർക്കറ്റിലെ അൽ മസ്രുവ യാർഡ് ആഴ്ചയിൽ എല്ലാ ദിവസവും പ്രവർത്തിക്കും. രാവിലെ 7 മണി മുതൽ ഉച്ചയ്ക്ക് 3 മണി വരെയാണ് ഇവിടുത്തെ പ്രവർത്തന സമയം.

​മറ്റു പ്രധാന വിപണികളായ:

• ​അൽ വക്ര
• ​അൽ ഖോർ – അൽ ദഖീറ
• ​അൽ ഷഹാനിയ
• ​അൽ ഷമാൽ

​എന്നിവിടങ്ങളിലെ യാർഡുകൾ ആഴ്ചാവസാനങ്ങളിൽ മാത്രമാണ് പ്രവർത്തിക്കുക. വ്യാഴം, വെള്ളി, ശനി ദിവസങ്ങളിൽ രാവിലെ 7 മുതൽ ഉച്ചയ്ക്ക് 3 വരെയാണ് ഈ കേന്ദ്രങ്ങളിൽ പൊതുജനങ്ങൾക്ക് പ്രവേശനം അനുവദിച്ചിരിക്കുന്നത്.

​പുതുപുത്തൻ പച്ചക്കറികളും മറ്റ് പ്രാദേശിക കാർഷിക ഉൽപ്പന്നങ്ങളും മിതമായ നിരക്കിൽ ഉപഭോക്താക്കൾക്ക് ലഭ്യമാക്കാൻ ഈ വിപണികൾ സഹായിക്കും. ഖത്തറിലെ പ്രാദേശിക ഉൽപ്പന്നങ്ങൾക്ക് ആവശ്യക്കാർ ഏറിവരുന്ന സാഹചര്യത്തിൽ വിപണികൾ സജീവമാകുന്നത് പ്രവാസികൾ ഉൾപ്പെടെയുള്ളവർക്ക് വലിയ ആശ്വാസമാണ്