ഖത്തർ മാസ്റ്റേഴ്സ് ഓപ്പൺ ചെസ് ടൂർണമെന്റിൽ ലോക ഒന്നാം നമ്പർ താരം മാഗ്നസ് കാൾസണെ അട്ടിമറിച്ച് ഇന്ത്യയുടെ കാർത്തികേയൻ മുരളി. ലുസൈൽ മൾട്ടിപർപ്പസ് ഹാളിൽ നടക്കുന്ന ടൂർണമെന്റിലെ നിർണായകമായ ഏഴാം റൗണ്ടിൽ കാൾസണിന് ഇന്നലെ വൻ തിരിച്ചടി ഏല്പിച്ചാണ് തമിഴ്നാട് തഞ്ചാവൂർ സ്വദേശിയായ മുരളി ശ്രദ്ധേയമായത്.
കസാക്കിസ്ഥാന്റെ അലിഷർ സുലൈമെനോവിനോട് രണ്ടാം റൗണ്ടിൽ തോറ്റതിന് ശേഷം ടൂർണമെന്റിൽ നോർവീജിയൻ താരം കാൾസന്റെ രണ്ടാം വീഴ്ചയാണിത്. ഇതോടെ, കേവലം 4.5 പോയിന്റുള്ള കാൾസൺ, ചാമ്പ്യൻഷിപ്പിൽ രണ്ട് റൗണ്ടുകൾ മാത്രം ശേഷിക്കെ മൊത്തത്തിലുള്ള സ്റ്റാൻഡിംഗിൽ 26-ാം സ്ഥാനത്തേക്ക് കൂപ്പുകുത്തി.
ടൂർണമെന്റിലെ 20-ാം സീഡായ 24-കാരനായ മുരളിയുടേത് തികച്ചും ആധികാരികമായ വിജയമായിരുന്നു. കാൾസന്റെ ഒരു പിഴവ് മുതലെടുത്ത് മുരളി എഡ്ജ് പിടിച്ചെടുക്കുകയും എൻഡ്ഗെയിം സുഗമമായി പരിവർത്തനം ചെയ്യുകയും തന്റെ പോയിന്റ് 5.5 ആയി ഉയർത്തുകയും മറ്റ് അഞ്ച് പേർക്കൊപ്പം ലീഡ് പങ്കിടുകയും ചെയ്തു.
മറ്റു ഇന്ത്യൻ താരങ്ങളായ എസ്എൽ നാരായണൻ, അർജുൻ എറിഗൈസി എന്നിവരും 5.5 പോയിന്റുമായി ഒന്നാം സ്ഥാനത്തുണ്ട്. ന്യൂട്രൽ താരം ഡേവിഡ് പരവ്യൻ, ഉസ്ബെക്കിസ്ഥാന്റെ ജാവോഖിർ സിന്ദറോവ്, നോദിർബെക് യാകുബ്ബോവ് എന്നിവരാണ് പോയിന്റ് നില പങ്കിടുന്ന മറ്റുള്ളവർ.
അതേസമയം മറ്റു മൽസരങ്ങളിൽ, മൂന്നാം നമ്പർ സീഡായ എറിഗൈസി, യാകുബ്ബോവിനോട് പരാജയപ്പെട്ടു. ലോക റാങ്കിങ്ങിൽ മൂന്നാം സ്ഥാനത്തുള്ള രണ്ടാം സീഡ് അമേരിക്കൻ താരം ഹികാരു നകമുറ ഇറാൻ താരം പർഹാം മഗ്‌സൂദ്‌ലൂമായി സമനില പങ്കിട്ടു.
ഈ വർഷത്തെ ചാമ്പ്യൻഷിപ്പിലെ കടുത്ത മത്സരം ഉയർത്തിക്കാട്ടിക്കൊണ്ട് നകാമുറ ഇപ്പോൾ തുടർച്ചയായി രണ്ട് ഗെയിമുകളാണ് സമനിലയിൽ പിരിഞ്ഞത്.
ലോക റാങ്കിങ്ങിൽ ഏഴാം സ്ഥാനത്തുള്ള ഡച്ച് താരം അനീഷ് ഗിരി, ഇന്ത്യൻ താരം കാർത്തിക് വെങ്കിട്ടരാമനെതിരെ വിജയം ഉറപ്പിച്ചതോടെ തന്റെ സ്കോർ അഞ്ച് പോയിന്റായി ഉയർത്തി, ഒമ്പതാം സ്ഥാനത്തെത്തി.
അതേസമയം, 12-ാം സീഡായ ഉസ്ബെക്കിസ്ഥാന്റെ ജോവോഖിർ സിന്ദറോവിനെതിരെ സമനില നേടിയതോടെ നാരായണൻ മികച്ച പ്രകടനം തുടർന്നു. ഖത്തറിന്റെ ഏക മത്സരാർത്ഥി ഹുസൈൻ അസീസ് 34-ാം സീഡ് വുഗർ റസുലോവിനെതിരായ മത്സരത്തിൽ പരാജയപ്പെട്ടു.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KymOKj4Bi1pF8sPsKUwSuv
